استانادا 30 جاستاعى قىز اناسىن پىشاقتاپ ءولتىردى

فوتو: envato

استانادا 30 جاستاعى قىز جانجال كەزىندە اناسىنا پىشاق سۇققان. ايەل وقيعا ورنىندا كوز جۇمدى, دەپ حابارلايدى qandastar.kz Azattyq Rýhy سايتىنا سىلتەمە جاساپ. 

قايعىلى وقيعانى قالالىق پوليتسيا دەپارتامەنتى راستادى.

ايەلدىڭ زورلىق-زومبىلىق بەلگىلەرى بار ءمايىتى ءوز ۇيىنەن تابىلعان. كوپ ۇزاماي قىلمىستى جاسادى دەگەن كۇدىكپەن مارقۇمنىڭ 30 جاستاعى قىزى ۇستالدى. پوليتسيا دەرەگىنشە, ەكەۋىنىڭ اراسىندا جانجال شىعىپ, قىز اشۋمەن اناسىنا پىشاق سۇققان.

«كۇدىكتى ۋاقىتشا ۇستاۋ يزولياتورىنا قامالدى. تەرگەۋ جۇرگىزىلىپ جاتىر», — دەپ حابارلادى قالالىق پد.

ايتا كەتەيىك, 18 تامىزعا قاراعان ءتۇنى استانادا جول جوندەپ جۇرگەن جۇمىسشىلاردى كولىك قاعىپ كەتتى. جول اپاتى سالدارىنان ءبىر جۇمىسشى قازا تاپتى