ءبىلىم
استانادا 43 جاستاعى مۇعالىم وقۋشى قىزدارعا قىرىنداپ, جۇمىستان قۋىلدى
فوتو: ۆيدەودان سكرين
تاريح ءپانىنىڭ مۇعالىمى سىناق مەرزىمىندە بولعان.
استانانىڭ 32-ءشى گيمنازياسىندا 43 جاستاعى تاريح ءپانىنىڭ مۇعالىمى 7-سىنىپ وقۋشىلارىنا قىرىندادى دەپ ايىپتالدى, دەپ حابارلايدى qandastar.kz اقپارات پورتالى Azattyq Rýhy-نا سىلتەمە جاساپ.
مۇعالىم وقۋشى قىزدارعا كەشكى ساعات 21:00-دەن كەيىن WhatsApp-تا سەزىمدەرىن ءبىلدىرىپ حات جازعان. بۇل وقيعانى وقۋشىلاردىڭ اتا-انالارى اشكەرە قىلعان.
ول مەكتەپتە 2024 جىلدىڭ 2 قىركۇيەگىنەن باستاپ جۇمىس ىستەگەن. تاريح ءپانىنىڭ مۇعالىمى سىناق مەرزىمىندە بولعان.
تارتىپتىك كوميسسيانىڭ شەشىمى بويىنشا پەداگوگ 30 قىركۇيەكتە قر ەڭبەك كودەكسىنىڭ 14-تارماعى 52-ءشى بابى اياسىندا جۇمىستان بوساتىلعان.
«بۇگىنگى تاڭدا قالالىق پوليتسيا دەپارتامەنتى وسى فاكتى بويىنشا قىلمىستىق ءىس قوزعاپ, تەرگەۋ جۇرگىزىپ جاتىر. قىجك-ءنىڭ 201-بابى تارتىبىندەگى وزگە اقپارات جاريا ەتىلمەيدى»,- دەپ حابارلادى استانا قالاسى ءبىلىم باسقارماسى.
