Astanada 7-qabatta órtengen páterdiń balkonynda ilinip turǵan áıeldi qutqarý sáti vıdeoǵa túsip qaldy

Elordada 10 shildege qaraǵan túnde kópqabatty úılerdegi páterlerdiń birinde órt shyqqan. О́rtten qorǵaný úshin balkonnyń terezesine shyqqan áıeldi qutqarýshy aman alyp qalǵan,-dep habarlaıdy Qandastar.kz

TJD málimetinshe, 10 shildede túngi saǵat 02.00-de elordalyq TJD órt sóndirý bólimsheleri Sh.Imanbaev 8 mekenjaıyna shyqty.

«О́rt sóndirýshiler kelgende 7-qabattaǵy páterde úı zattary men jıhazdary órtenip jatqany anyqtaldy.

О́rt sóndirýshilerdiń kúshimen 7-qabatta balkonnan áıel adam qutqaryldy. О́rt saǵat 2:25 mınýtta tolyǵymen sóndirildi», – delingen habarlamada. О́rtti sóndirýge Astana qalasy TJD-nyń 12 adamy jáne 3 tehnıkasy jumyldyryldy. «Áıeldi qutqarǵan azamat – 2-MО́SB bólimshe komandıri Baǵlan Bekshenov jáne 2-MО́SB júrgizýshi-qyzmetkeri Qadir О́mirzaqov», – dedi vedomstvo óklideri.