ءبىلىم
استانادا 9-سىنىپ وقۋشىلارى توپ قۇرىپ, قاتارلاستارىن ۇرىپ-سوققان
فوتو: ۆيدەودان سكرين
استاناداعى مەكتەپتەردىڭ بىرىندە 9-سىنىپ وقۋشىلارى ءوز قاتارلاستارىن سوققىعا جىققان, – دەپ حابارلايدى qandastar.kz Aikyn.kz-كە سىلتەمە جاساپ.
Instagram-داعى Astana_press پاراقشاسىنداعى جازبادا وقيعانىڭ استانادا التىنسارين اتىنداعى №83 مەكتەپ-گيمنازياسىندا بولعانى ايتىلعان.
– مەكتەپ وقۋشىلارى باسقا بالالارعا ۇنەمى قورلىق كورسەتەدى. ءبىر توپ ۇل توپتاسىپ الىپ, بالالاردى سابايدى ەكەن. بۇل تۋرالى مەكتەپ ديرەكتورى دا, ونىڭ ورىنباسارلارى مەن مۇعالىمدەر دە بىلەدى, الايدا ەش شارا قولدانبايدى دەگەن اقپارات بار, – دەپ جازدى Astana_press.
بەينەجازبا قالالىق پوليتسياسىنىڭ نازارىنا ىلىكتى. وندا ءبىر توپ وقۋشىنىڭ باسقا وقۋشىلاردى ۇرىپ-سوعىپ جاتقانىن انىق كورۋگە بولادى.
– اتالعان وقيعاعا قاتىسى بار 9-سىنىپتىڭ بارلىق وقۋشىسى انىقتالىپ, اتا-اناسىنىڭ كوزىنشە جاۋاپ الىندى. قازىر ءىستىڭ ءمان-جايى انىقتالۋدا. تەرگەۋ ناتيجەسىنە سايكەس وقۋشىلاردىڭ ءىس-ارەكەتىنە قۇقىقتىق باعا بەرىلەدى, – دەپ مالىمدەدى استانا قالاسى الماتى اۋداندىق پوليتسيا باسقارماسىنىڭ وكىلدەرى.
