Astanada 9-synyp oqýshylary top quryp, qatarlastaryn uryp-soqqan

foto: vıdeodan skrın

Astanadaǵy mektepterdiń birinde 9-synyp oqýshylary óz qatarlastaryn soqqyǵa jyqqan, – dep habarlaıdy qandastar.kz  Aikyn.kz-ke silteme jasap.

Instagram-daǵy Astana_press paraqshasyndaǵy jazbada oqıǵanyń Astanada Altynsarın atyndaǵy №83 mektep-gımnazııasynda bolǵany aıtylǵan.

– Mektep oqýshylary basqa balalarǵa únemi qorlyq kórsetedi. Bir top ul toptasyp alyp, balalardy sabaıdy eken. Bul týraly mektep dırektory da, onyń orynbasarlary men muǵalimder de biledi, alaıda  esh shara qoldanbaıdy degen aqparat bar, – dep jazdy Astana_press.

Beınejazba qalalyq polıııasynyń nazaryna ilikti. Onda bir top oqýshynyń basqa oqýshylardy uryp-soǵyp jatqanyn anyq kórýge bolady.

– Atalǵan oqıǵaǵa qatysy bar 9-synyptyń barlyq oqýshysy anyqtalyp, ata-anasynyń kózinshe jaýap alyndy. Qazir istiń mán-jaıy anyqtalýda. Tergeý  nátıjesine sáıkes oqýshylardyń is-áreketine quqyqtyq baǵa beriledi, – dep málimdedi Astana qalasy  Almaty  aýdandyq polıııa basqarmasynyń ókilderi.