Astanada áıgili Cardiff ýnıversıtetiniń kampýsy ashylady

Astanada Cardiff University Kazakhstan resmı túrde ashyldy, dep habarlaıdy Qandastar.kz. Bul – Cardiff University alǵashqy sheteldik kampýsy, ári Ortalyq Azııadaǵy Russell Group jalǵyz kampýsy. Is-shara halyqaralyq bilim berýdi damytýdaǵy jáne Qazaqstan men Ulybrıtanııa arasyndaǵy strategııalyq áriptestikti nyǵaıtýdaǵy mańyzdy qadamǵa aınaldy.

Ashylý saltanatyna Qazaqstan Respýblıkasy men Ulybrıtanııa úkimetiniń ókilderi, sondaı-aq Cardiff University jáne Cardiff University Kazakhstan basshylyǵy qatysty. Qonaqtar qatarynda QR Ǵylym jáne joǵary bilim mınıstri Saıasat Nurbek, Ulybrıtanııanyń Qazaqstandaǵy Tótenshe jáne О́kiletti Elshisi Sallı Aksvortı, Cardiff University prezıdenti jáne vıe-kanleri professor Vendı Larner, Cardiff University Bas operaııalyq dırektory jáne hatshysy, sondaı-aq Cardiff University Kazakhstan dırektorlar keńesiniń tóraǵasy doktor Pola Sanderson, Cardiff University keńesiniń tóraǵasy Patrık Iang boldy.

«Qazaqstan óńirlik akademııalyq hab retinde damyp keledi. Bıyl elimizge 31 myńnan asa sheteldik stýdent keldi. Memleket basshysynyń bastamasymen joǵary bilim men ǵylym salasynda aýqymdy strategııa júzege asyrylyp keledi. Sonyń biri – elimizde jetekshi sheteldik zertteý ýnıversıtet fılıaldarynyń ashylýy. Sońǵy úsh jarym jyldyń ishinde 40-qa jýyq sheteldik joǵary oqý orny Qazaqstanǵa kelse, onyń beseýi iri kampýstaryn ashýǵa sheshim qabyldady», – dedi mınıstr.

Vedomstvo basshysynyń aıtýynsha, búginde Qazaqstannyń ár óńirinde joǵary deńgeıli sheteldik fılıaldar jumys isteı bastady. Árbir seriktespen on jyldyq kelisimshart jasalyp, jergilikti ýnıversıtetterdi halyqaralyq standarttarǵa saı zertteý ýnıversıtetine aınaldyrý mindettemesi alynǵanyn atap ótti.

«Men úshin Qazaqstanda Cardiff University fılıalynyń ashylýy zor qurmet. Bul – Cardiff University alǵashqy halyqaralyq kampýsy. Biz akademııalyq turǵydan myqty stýdentterdiń alǵashqy legin qabyldaýdy asyǵa kúttik. Sondaı-aq biz Russell Group quramyndaǵy Qazaqstanda kampýs ashqan alǵashqy ýnıversıtet atandyq. Búgingi kampýstyń ashylýy – úlken eńbektiń nátıjesi. Bul rette Qazaqstan Respýblıkasynyń Úkimetine bizdiń ortaq maqsattarymyzdy júzege asyrýǵa kórsetken qoldaýy úshin erekshe rızashylyǵymdy bildiremin», – dedi professor Vendı Larner, Cardiff University prezıdenti jáne vıe-kanleri.

Cardiff University halyqaralyq reıtıngterde dástúrli túrde joǵary oryn alady. QS World University Rankings 2026 nusqasy boıynsha 181-orynda, Complete University Guide 2026 nusqasy boıynsha 22-orynda. Zertteýlerdiń 91%-y halyqaralyq deńgeıde úzdik dep tanyldy (REF 2021). Russell Group músheligi Cardiff University-di Ulybrıtanııadaǵy jetekshi zertteý ýnıversıtetteriniń biri retinde bekitedi.

2025 jylǵy qyrkúıek aıynan bastap Cardiff University Kazakhstan kelesideı tórt jyldyq bakalavrıat baǵdarlamalaryna stýdentter qabyldaıdy:

BSc Computer Science (Kompıýterlik ǵylym);
BSc Business Management (Bıznes basqarý);
BEng Civil Engineering (Azamattyq qurylys);
BSc Exploration Geology (Geologııa jáne ken oryndaryn barlaý).
Oqytý tolyq aǵylshyn tilinde júrgiziledi, sabaqtardy Cardiff University jáne Cardiff University Kazakhstan professor-oqytýshylar quramy júrgizedi. Ýnıversıtet Ulybrıtanııadaǵy bas ýnıversıtettiń tikeleı basqarýymen jumys isteıdi jáne brıtandyq sapa standarttaryn qamtamasyz etedi. Stýdentter kampýstar arasynda akademııalyq mobıldilikke ıe bolady jáne zamanaýı jataqhanalarmen qamtamasyz etiledi.