استانادا التى ەلدىمەكەن گازبەن قامتىلادى

فوتو: اشىق دەرەككوز

كەلەسى جىلى استانا ىرگەسىندەگى التى ەلدىمەكەن گازبەن قامتاماسىز ەتىلەدى, دەپ جازادى qandastar.kz

بۇل تۋرالى اقمولا وبلىسىنىڭ اكىمى مارات احمەتجانوۆ ايتتى.

سوزىنشە, جالپى 68 مىڭ تۇرعىنى بار اققايىڭ, التىنسارين, تالاپكەر, قاراجار, قىزىلسۋات جانە قوسشى قالاسىنا گاز قوسىلادى.

ء“بىز قوسشىداعى جوبانى ەكى كەزەڭگە بولدىك. ءبىرىنشىسىن جازدا ىسكە قوسامىز. بۇل اباي كوشەسى. ەكىنشىسى جىل اياعىندا. وعان قاراجات بولىنگەن. شامامەن 10 ملرد تەڭگە. قوسشىدا قۇرىلعىلارى دايىن تۇر. 2025 جىلى گازبەن قامتىلادى”, – دەدى اكىم.

ال 2026 جىلى تسەلينوگراد اۋدانىنداعى قاراوتكەل مەن اقمول اۋىلدارىن, ارشالى اۋدانىنداعى اقبۇلاق پەن تايتوبە اۋىلىن گازداندىرۋ جوسپارلانۋدا. بۇعان دەيىن جۇيەگە ارشالى اۋدانىنىڭ 16 اۋىلى قوسىلعان بولاتىن.

بيىل كوگىلدىر وتىن 4 ەلدىمەكەنگە, ياعني جىبەك جولى, شۇبار, قوياندى جانە «نۇرلى» وندىرىستىك كووپەراتيۆىنە تارتىلدى.