Astanada alty eldimeken gazben qamtylady

Foto: ashyq derekkóz

Kelesi jyly Astana irgesindegi alty eldimeken gazben qamtamasyz etiledi, dep jazady qandastar.kz

Bul týraly Aqmola oblysynyń ákimi Marat Ahmetjanov aıtty.

Sózinshe, jalpy 68 myń turǵyny bar Aqqaıyń, Altynsarın, Talapker, Qarajar, Qyzylsýat jáne Qosshy qalasyna gaz qosylady.

“Biz Qosshydaǵy jobany eki kezeńge bóldik. Birinshisin jazda iske qosamyz. Bul Abaı kóshesi. Ekinshisi jyl aıaǵynda. Oǵan qarajat bólingen. Shamamen 10 mlrd teńge. Qosshyda qurylǵylary daıyn tur. 2025 jyly gazben qamtylady”, – dedi ákim.

Al 2026 jyly elınograd aýdanyndaǵy Qaraótkel men Aqmol aýyldaryn, Arshaly aýdanyndaǵy Aqbulaq pen Taıtóbe aýylyn gazdandyrý josparlanýda. Buǵan deıin júıege Arshaly aýdanynyń 16 aýyly qosylǵan bolatyn.

Bıyl kógildir otyn 4 eldimekenge, ıaǵnı Jibek joly, Shubar, Qoıandy jáne «Nurly» óndiristik kooperatıvine tartyldy.