Astanada ánshi Sıvı Mahmýdıdiń burynǵy kúıeýine qatysty sot otyrysy bastaldy

Foto: ashyq derekkóz

Astanada tanymal ánshi Sıvı Mahmýdıdiń burynǵy kúıeýi Ansar Qajymuhanulyna qatysty sot otyrysy bastaldy. Ol asa iri kólemde alaıaqtyq jasady dep aıyptalyp otyr. Ázirge istiń egjeı-tegjeıi ashyq jarııalanbaǵanymen, biz onyń esimi atalǵan qylmystyq istiń mán-jaıyn anyqtap kórdik. Áńgime 50 myń dollar jaıynda, dep habarlaıdy  qandastar.kz  Nege.kz-ke siltep.

Ulytaý oblysynda byltyr oblystyq ǵylymı-ádistemelik ortalyq qyzmetkerlerine qatysty senip tapsyrylǵan múlikti ıemdený faktisi boıynsha is qozǵalǵan bolatyn. Osy is aıasynda jasyryn tergeý amaldaryn júrgizgende, atalǵan ortalyqtyń bas býhgalteriniń elordalyq polıııa qyzmetkerlerin satyp almaq bolǵan áreketi áshkere boldy. Ol esirtki zattaryn satýǵa tyrysty degen aıyppen ustalǵan qyzynyń jazasyn jeńildetý úshin quqyq qorǵaý organdarynyń qyzmetkerlerine para usynǵan.

Sotta bas býhgalter áıel kinásin tolyq moıyndady. Onyń aıtýynsha, 2024 jyldyń 28 naýryzynda advokattan qyzynyń Astanada esirtki saqtady jáne satýǵa árekettendi degen bappen ustalǵanyn estigen. Anasy úreılenip, tanys týysy arqyly «máseleni sheshe alatyn» adamdardy izdestire bastaıdy. Sol kezde onyń týysynyń kúıeý balasy 50 myń dollarǵa «máseleni sheshýge» ýáde bergen. Áıel bul somany eki bólikke bólip tólep beredi. Biraq, ýáde etilgendeı, istiń babyn jeńildetý múmkin bolmaǵan.

Osy is boıynsha sotta sol áıelge ýáde bergen azamat Ansar Qajymuhanulynyń esimin atady. Onyń aıtýynsha, Ansar «mende bul máseleni sheshetin adamdar bar» dep sendirgen. Aqsha berilgennen keıin, ýáde etilgendeı nátıje shyqpaǵan soń, áıel tarapynan qarjyny qaıtarý talap etiledi. Alaıda, tergeý materıaldaryna sáıkes, Ansar Qajymuhanuly ýáde etilgen 50 myń dollardyń tek 28 myńyn ǵana qaıtarǵan.

Tergeý qorytyndysy boıynsha, Ansar Qajymuhanulynyń Astana qalasy Almaty aýdanynyń polıııa bóliminde eshqandaı da naqty baılanystary bolmaǵan. Alǵan qarajatty ol jeke basynyń paıdasyna jumsaǵany aıtylyp otyr.

Ansar Qajymuhanulynyń burynǵy jary, ánshi Sıvı Mahmýdı jýyrda jýrnalıst Anna Danchenkoǵa bergen suhbatynda burynǵy kúıeýiniń tek balalaryna kómektespegenin ǵana emes, tipti oǵan qoqan-loqy kórsetip, qorqytqanyn da aıtyp berdi. Sıvı óziniń qaýipsizdigi úshin basqa qalaǵa kóshýge májbúr bolǵanyn da málimdedi.