جاڭالىقتار
استانادا اشۋعا بۋلىققان جاس جىگىت اعاسىن پىشاقتاپ ءولتىردى
فوتو: اشىق دەرەككوز
استانادا 21 جاستاعى جىگىت تۋىستارىنا شابۋىل جاساپ, ءبىر ادامدى ءولتىرىپ, تاعى ءۇش تۋىسىن اۋىر جاراقاتتادى. قايعىلى وقيعا 17 قاڭتار كۇنى تاڭعى ساعات 4 شاماسىندا عابيدەن مۇستافين كوشەسىندەگى تۇرعىن ۇيدە بولدى, دەپ حابارلايدى qandastar.kz اقپارات پورتالى.
Astana_sergek حابارلاۋىنشا, كۇدىكتى Free Fire ويىنىن ويناپ جاتقان كەزدە تۋىستارى ونىڭ تەلەفونىن تارتىپ العان. اشۋعا بۋلىققان جىگىت تۇندە ولار ۇيىقتاپ جاتقاندا شابۋىل جاساعان.
«1997 جىلى تۋعان اعاسى وقيعا ورنىندا قايتىس بولدى. ءۇش وتباسى مۇشەسى اۋىر جاراقاتتارمەن اۋرۋحاناعا جەتكىزىلدى», — دەلىنگەن حابارلامادا.
استانا قالالىق پوليتسيا دەپارتامەنتى وقيعاعا قاتىستى تۇسىنىكتەمە بەردى.
«21 جاستاعى كۇدىكتى ۇستالىپ, ۋاقىتشا ۇستاۋ يزولياتورىنا قامالدى. كىسى ءولتىرۋ فاكتىسى بويىنشا قىلمىستىق ءىس قوزعالدى. الدىن الا مالىمەت بويىنشا, جانجالعا تۋىستارىنىڭ ەسكەرتۋ جاساۋى سەبەپ بولعان. قازىرگى ۋاقىتتا وقيعانىڭ ءمان-جايى انىقتالىپ جاتىر», – دەلىنگەن پوليتسيا حابارلاماسىندا.
