Jańalyqtar
Astanada ashýǵa býlyqqan jas jigit aǵasyn pyshaqtap óltirdi
Foto: ashyq derekkóz
Astanada 21 jastaǵy jigit týystaryna shabýyl jasap, bir adamdy óltirip, taǵy úsh týysyn aýyr jaraqattady. Qaıǵyly oqıǵa 17 qańtar kúni tańǵy saǵat 4 shamasynda Ǵabıden Mustafın kóshesindegi turǵyn úıde boldy, dep habarlaıdy qandastar.kz aqparat portaly.
Astana_sergek habarlaýynsha, kúdikti Free Fire oıynyn oınap jatqan kezde týystary onyń telefonyn tartyp alǵan. Ashýǵa býlyqqan jigit túnde olar uıyqtap jatqanda shabýyl jasaǵan.
«1997 jyly týǵan aǵasy oqıǵa ornynda qaıtys boldy. Úsh otbasy múshesi aýyr jaraqattarmen aýrýhanaǵa jetkizildi», — delingen habarlamada.
Astana qalalyq polıııa departamenti oqıǵaǵa qatysty túsinikteme berdi.
«21 jastaǵy kúdikti ustalyp, ýaqytsha ustaý ızolıatoryna qamaldy. Kisi óltirý faktisi boıynsha qylmystyq is qozǵaldy. Aldyn ala málimet boıynsha, janjalǵa týystarynyń eskertý jasaýy sebep bolǵan. Qazirgi ýaqytta oqıǵanyń mán-jaıy anyqtalyp jatyr», – delingen polıııa habarlamasynda.
