استانادا اسكەري شەرۋدى قايدان كورۋگە بولادى

فوتو: gov.kz

استانادا 2025 جىلدىڭ 7 مامىرى كۇنى ساعات 11:00-دە وتان قورعاۋشىلار كۇنىنە جانە ۇلى وتان سوعىسىنداعى جەڭىستىڭ 80 جىلدىعىنا ورايلاستىرىلعان اۋقىمدى اسكەري شەرۋ وتەدى, دەپ حابارلايدى qandastar.kz سايتى. 

ەلوردا اكىمدىگىنىڭ رەسمي حابارلاماسىنا سەنسەك, قازىر دايىندىق شاراسى قارقىندى جۇرۋدە.

شەرۋ وتەتىن جەردە قاۋىپسىزدىك پەن باقىلاۋ كۇشەيتىلەدى. شەرۋگە ۇلى وتان سوعىسىنىڭ ارداگەرلەرى, تىل ەڭبەككەرلەرى, سوعىس ءىس-قيمىلدارىنىڭ ارداگەرلەرى, قر قارۋلى كۇشتەرى ۇزدىك بولىمشەلەرىنىڭ, قۇرمەتتى قاراۋىل روتاسىنىڭ, قر قارۋلى كۇشتەرىنىڭ, باسقا دا اسكەرلەر مەن اسكەري قۇرالىمداردىڭ, اسكەري قۇقىق قورعاۋ ورگاندارىنىڭ جانە ت.ب. ارداگەرلەرى شاقىرىلدى.

ەلوردا تۇرعىندارى مەن قوناقتارى ءۇشىن قالاداعى ءۇش ورىننان تىكەلەي ترانسلياتسيا ۇيىمداستىرىلادى:

1. ەحرو اۋماعى (تۇركىستان جانە اقمەشىت كوشەلەرى جاعىنان كىرۋ);
2. قالالىق الاڭ (استانا قالاسى اكىمدىگى عيماراتىنىڭ الدىندا);
3. ب. مومىش ۇلى داڭعىلى, 1 مەكەنجايىنداعى «Astana Music Hall» تۇراق اۋماعى (قۇمىرا).

شەرۋ اياقتالعاننان كەيىن ساعات 12:00-دەن 15:00-گە دەيىن وسى ءۇش الاڭدا ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن مەرەكەلىك كونتسەرت وتەدى.

سونىمەن قاتار, ءىس-شارا رەسپۋبليكالىق تەلەارنالاردان تىكەلەي ەفير ارقىلى كورسەتىلەدى.

مىنا وزگەرىستەرگە نازار اۋدارۋ قاجەت:

• شەرۋ وتەتىن اۋداندا كولىك قوزعالىسى شەكتەلەدى.
• قوزعالىس باعىتىڭىزدى الدىن الا جوسپارلاپ, وزگەرىستەردى ەسكەرۋ قاجەت.
• قۇقىق قورعاۋ ورگاندارى قىزمەتكەرلەرىنىڭ قاۋىپسىزدىك ەرەجەلەرى مەن نۇسقاۋلارىن ساقتاۋدى سۇرايمىز.
• اتالعان ۋچاسكەلەر ارقىلى ءوتۋ جانە جول ءجۇرۋ ءىس-شارالار تولىقتاي اياقتالعاننان كەيىن قايتا جاندانادى.