Astanada áskerı sherýdi qaıdan kórýge bolady

foto: gov.kz

Astanada 2025 jyldyń 7 mamyry kúni saǵat 11:00-de Otan qorǵaýshylar kúnine jáne Uly Otan soǵysyndaǵy Jeńistiń 80 jyldyǵyna oraılastyrylǵan aýqymdy áskerı sherý ótedi, dep habarlaıdy qandastar.kz saıty. 

Elorda ákimdiginiń resmı habarlamasyna sensek, qazir daıyndyq sharasy qarqyndy júrýde.

Sherý ótetin jerde qaýipsizdik pen baqylaý kúsheıtiledi. Sherýge Uly Otan soǵysynyń ardagerleri, tyl eńbekkerleri, soǵys is-qımyldarynyń ardagerleri, QR Qarýly Kúshteri úzdik bólimsheleriniń, qurmetti qaraýyl rotasynyń, QR Qarýly Kúshteriniń, basqa da áskerler men áskerı quralymdardyń, áskerı quqyq qorǵaý organdarynyń jáne t.b. ardagerleri shaqyryldy.

Elorda turǵyndary men qonaqtary úshin qaladaǵy úsh orynnan tikeleı translıaııa uıymdastyrylady:

1. EHRO aýmaǵy (Túrkistan jáne Aqmeshit kósheleri jaǵynan kirý);
2. Qalalyq alań (Astana qalasy ákimdigi ǵımaratynyń aldynda);
3. B. Momyshuly dańǵyly, 1 mekenjaıyndaǵy «Astana Music Hall» turaq aýmaǵy (Qumyra).

Sherý aıaqtalǵannan keıin saǵat 12:00-den 15:00-ge deıin osy úsh alańda estrada juldyzdary men shyǵarmashylyq ujymdardyń qatysýymen merekelik konert ótedi.

Sonymen qatar, is-shara respýblıkalyq telearnalardan tikeleı efır arqyly kórsetiledi.

Myna ózgeristerge nazar aýdarý qajet:

• Sherý ótetin aýdanda kólik qozǵalysy shekteledi.
• Qozǵalys baǵytyńyzdy aldyn ala josparlap, ózgeristerdi eskerý qajet.
• Quqyq qorǵaý organdary qyzmetkerleriniń qaýipsizdik erejeleri men nusqaýlaryn saqtaýdy suraımyz.
• Atalǵan ýchaskeler arqyly ótý jáne jol júrý is-sharalar tolyqtaı aıaqtalǵannan keıin qaıta jandanady.