ASTANADA AÝMAQTYQ QORǴANYS BRIGADASYNYŃ OQÝ-JATTYǴÝ JIYNDARY О́TTI

Bul sharaǵa Otan aldyndaǵy boryshyn ótep, zapasqa shyqqan 100-ge jýyq adam shaqyrtyldy.

Olar 10 kún boıy áskerı daǵdylardy qaıta oqyp, qala aýmaǵyndaǵy mańyzdy degen strategııalyq nysandardy qorǵaý isterin pysyqtady. Rıat Shonı, tilshi: — Meniń tý syrtymdaǵy ǵımarat – ol elimizdiń áskerine mańyzdy degen kózdeýish optıkalar shyǵarady. Al onyń arǵy betinde Astana sý arnasy ornalasqan.

Dál qazir mańyzdy eki strategııalyq nysanǵa lańkester lap berip, shabýyldap jatyr. Al olarǵa Astana qalasynyń aýmaqtyq qorǵanys brıgadasy tótep berýde. Qazir atys júrip jatyr. Bul aýmaqtyq qorǵanys brıgadasynyń 10 kúndik jıynynyń qorytyndysy. Oqý-jattyǵý barysynda qaladaǵy strategııalyq mańyzdy nysandarǵa jasalǵan shabýyldyń betin qaıtaryp, qarýlanǵan topqa toıtarys berý sharasy pysyqtaldy. Rýfat Tálipov, vzvod komandıri: — Meniń oıymsha osyndaı sharalardy kóbirek jasap, halyqty daıyndaý kerek. Endi Alla saqtasyn. Ondaı nárse bolmasyn. Biraq kez kelgen jaǵdaıǵa daıyn bolýymyz kerek.

Meniń oıymsha, Qazaqstanda turatyn azamattar osylaı kelip, óz mindetin atqarý kerek. Taktıkalyq oqý-jattyǵý barysynda lańkester brıgadaǵa eki jaqtan tutqıyldan shabýyl jasady. Alǵashqy soqqyny qabyldaǵan blok bekettegi eki sarbaz jarylys saldarynan birden qaza tapty. О́zge top negizgi kúsh kómekke kelgenshe deıin qarýlanǵan lańkestermen atys júrgizdi. Durys tańdalǵan taktıkanyń arqasynda terrorıster aram oılaryn júzege asyra almady.

Al jyldam qımyldaıtyn arnaıy jasaq jigitteri tiri qalǵan lańkesterdiń qolyna kisen salyp, tergeýge alyp ketti. Astana qalasynda aýmaqtyq qorǵanys brıgadasynyń jıyny sáýirdiń 15-i kúni bastalǵan. Otan aldyndaǵy boryshyn ótep ketkender qaıta shaqyrtylyp, 10 kún ishinde áskerı daǵdylardy qaıta meńgerdi. Álibı Toqtasynov, kishi serjant: — 10 kúndik jıyn jaqsy negizi. Eske alyp burynǵy armııany. Umytyp qalǵan tustar joq. Biraq keıbirin eske túsirýge bolady. 10 kúndik tártip sol armııadaǵydaı boldy ǵoı. Bári sondaı. Esh aıyrmashyly joq. Keshke otboı, tańerteń podem degendeı. Astana qalasynyń aýmaqtyq qorǵanys brıgadasynyń 10 kúndik jıynyna 100-ge jýyq adam shaqyrylǵan.

Onyń 20-sy ofıer shenindegiler. Iaǵnı, zapastaǵy leıtenanttar eken. Omar Orynbaev, Astana qalasy aýmaqtyq qorǵanys brıgadasynyń komandıri: — Negizi aýmaqtyq qorǵanys brıgadasy oynń mindetteri osy Astana qalasynyń aýmaǵyn qorǵaý jáne onyń ishindegi asa mańyzdy obektilerdi soǵys jáne tótenshe jaǵdaı bolǵan kezde qorǵaýǵa alý. Zańǵa sáıkes biz 10 kún ishinde áskerı jıynǵa shaqyrǵan kezde jumys orny saqtalady. Sonymen qatar bularǵa ortasha aılyq tólenedi jumys isteıtinderge. Jalpy aıta ketý kerek, aýmaqtyq qorǵanys brıgadasynyń jıyndaryn bıyl 2 ret ótkizý josparlanǵan. Endi kelesisi tamyz aıynda uıymdastyrylatyn bolady.