استانادا اۆتوبۋس 4-سىنىپ وقۋشىسىن باسىپ ءولتىردى

فوتو: اشىق دەرەككوز

استانادا مەكتەپ اۆتوبۋسى 9 جاستاعى قىزدى باسىپ كەتتى. العان جاراقاتتارىنان وقۋشى وقيعا ورنىندا كوز جۇمعان, دەپ qandastar.kz حابارلايدى.

ول 4-سىنىپتا وقىعان. مارقۇمنىڭ تۋىستارىنىڭ ايتۋىنشا, وقيعا قىز ساباققا بارا جاتقاندا بولعان. اۆتوبۋس جۇرگىزۋشىسى وسى كەزدە كولىكتى ارتقا ايداعان. الايدا كولىككە بۇلاي اينالىم جاساۋ ءۇشىن جول تار بولعان.

ء“بىز ءۇشىن ول حانشايىم ەدى. جاقسى وقىدى, وتە جاقسى بولدى. ءۇش بالانىڭ اراسىنداعى جالعىز قىز ەدى. ءبىز ءۇشىن ورنى تولماس قايعى. مەن جۇرگىزىشى مەن ديرەكتور كىنالى دەپ ەسەپتەيمىن. سەبەبى ول جاقتا اۋلا وتە تار. ەندى ديرەكتور مەن جۇرگىزۋشى جازالانسىن“, – دەدى مارقۇمنىڭ تۋىسقان اپكەسى ايگۇل قاڭتارباەۆا.

ال دەرەكتەرگە سۇيەنسەك, اۆتوبۋس جۇرگىزۋشىسى تاجىريبەلى مامان بولعان.

“ول ۇلكەن كىسى, ءوزى دە – اتا. جىلاپ, قايعىرىپ ءجۇر. جەكە تانىماسام دا, مەكتەپتە كورەتىنمىن. جاقسى ادام, بالالارىمىزدى تاسيتىن. ەشكىمدى ديرەكتوردى دا, جۇرگىزۋشىنى دە جاقتامايمىز. بارلىعى زاڭعا ساي شەشىلسىن”, – دەدى اتا-انالار كوميتەتىنىڭ مۇشەسى گۇلنۇر امانوۆا.

ءبىلىم باسقارماسى وقىس وقيعاعا قاتىستى جاعداي قاتاڭ باقىلاۋدا بولاتىنىن جەتكىزدى.

“اقمولا وبلىسىنىڭ ءبىلىم باسقارماسى قايعىلى وقيعا بولعان وتباسىعا كوڭىل ايتادى. وقيعاعا بايلانىستى ارنايى كوميسسيا قۇرىلدى. ولار ءمان-جايدى تۇبەگەيلى انىقتاۋ ءۇشىن بارلىق قاجەتتى ءىس-شارالاردى ۇيىمداستىرۋدا. وقۋشىنىڭ وتباسىنا قاجەتى پسيحولوگيالىق قولداۋلار كورسەتىلەدى”, – دەلىنگەن حابارلامادا.

پوليتسيانىڭ مالىمەتىنشە, قازىر اۆتوبۋس جۇرگىزۋشىسى ۋاقىتشا ۇستاۋ يزولياتورىنا قامالعان. قىلمىستىق ءىس قوزعالىپ, تەرگەۋ جۇرگىزىلۋدە.