Astanada avtobýs 4-synyp oqýshysyn basyp óltirdi

Foto: ashyq derekkóz

Astanada mektep avtobýsy 9 jastaǵy qyzdy basyp ketti. Alǵan jaraqattarynan oqýshy oqıǵa ornynda kóz jumǵan, dep qandastar.kz habarlaıdy.

Ol 4-synypta oqyǵan. Marqumnyń týystarynyń aıtýynsha, oqıǵa qyz sabaqqa bara jatqanda bolǵan. Avtobýs júrgizýshisi osy kezde kólikti artqa aıdaǵan. Alaıda kólikke bulaı aınalym jasaý úshin jol tar bolǵan.

“Biz úshin ol hanshaıym edi. Jaqsy oqydy, óte jaqsy boldy. Úsh balanyń arasyndaǵy jalǵyz qyz edi. Biz úshin orny tolmas qaıǵy. Men júrgizishi men dırektor kináli dep esepteımin. Sebebi ol jaqta aýla óte tar. Endi dırektor men júrgizýshi jazalansyn“, – dedi marqumnyń týysqan ápkesi Aıgúl Qańtarbaeva.

Al derekterge súıensek, avtobýs júrgizýshisi tájirıbeli maman bolǵan.

“Ol úlken kisi, ózi de – ata. Jylap, qaıǵyryp júr. Jeke tanymasam da, mektepte kóretinmin. Jaqsy adam, balalarymyzdy tasıtyn. Eshkimdi dırektordy da, júrgizýshini de jaqtamaımyz. Barlyǵy zańǵa saı sheshilsin”, – dedi Ata-analar komıtetiniń múshesi Gúlnur Amanova.

Bilim basqarmasy oqys oqıǵaǵa qatysty jaǵdaı qatań baqylaýda bolatynyn jetkizdi.

“Aqmola oblysynyń bilim basqarmasy qaıǵyly oqıǵa bolǵan otbasyǵa kóńil aıtady. Oqıǵaǵa baılanysty arnaıy komıssııa quryldy. Olar mán-jaıdy túbegeıli anyqtaý úshin barlyq qajetti is-sharalardy uıymdastyrýda. Oqýshynyń otbasyna qajeti psıhologııalyq qoldaýlar kórsetiledi”, – delingen habarlamada.

Polıııanyń málimetinshe, qazir avtobýs júrgizýshisi ýaqytsha ustaý ızolıatoryna qamalǵan. Qylmystyq is qozǵalyp, tergeý júrgizilýde.