ASTANADA BALALARǴA TEMEKI О́NIMDERIN SATÝǴA QARSY REID О́TTI

Jastar áleýmettik reıdke shyqty. «Dala qyrandary» qoǵamdyq birlestigi ókilderi salaýatty ómir saltyn ustanýǵa shaqyrady. Sportshylar saýda oryndary men dúkenderdi aralap balalarǵa tabak ónimderin satpaýdy talap etip júr.

Zańǵa baǵynbaǵan kásipkerler jaýapqa tartylady. Buǵan deıin túrli uıymdar men quzyrly organ ókilderi elordadaǵy 700-den astam saýda oryndaryn teksergen bolatyn. Dúken aralap júrgen jastardyń barlyǵy túrli baıraqty básekede top jarǵandar. Álem chempıondary men halyqaralyq dárejedegi sport sheberleri óskeleń urpaqty zııandy ádetten aýlaq bolýǵa shaqyrady. Alaıda samsap turǵan saýda oryndarymen básekelesý ońaı emes.

Tabak ónimderiniń keıbirine zań júzinde tosqaýyl bolǵanymen jasyryp satatyndar az emes.   Vasılıı Tahtaı, aralas jekpe-jekten álem chempıony: — Bir dúkenge 2-3 ret kirip eskertý jasaǵan kezderimiz boldy. Kámeletke tolmaǵan balaǵa nasybaı, snıýs satyp jatady.

Ýchaskelik polıııa ınspektoryn shaqyryp, aıyppul salsa da qaıtadan satqandardy kezdestiremiz. Kámelet jasyna tolmaǵandardyń nasybaıǵa áýestigin dúken satýshylary da rastap otyr. Kúnine ondaǵan jetkinshek tıym salynǵan zatty surap keledi eken.  Aıagóz Hasınova, satýshy: — 21 jasqa deıingi atatyn balalar. Jigitter osobenno. Snıýs, nasybaı, temeki suraıdy. 16 jasqa deıingi balalar energetıkterdi jıi suraıdy. Alǵysy keledi. Satpaımyz.

«Dala qyrandary» jastardyń qoǵamdyq birlestigi sońǵy on kúnde júz elýden astam saýda ornyn araldy. Reıd kezinde arnaıy jibergen jetkinshekke 6 dúkende nasybaı satqan. Bektemir Joldasbaev, Nura aýdandyq ákimdigi kásipkerlik bóliminiń bas mamany: — Ol kisiler nasybaı satqan, snıýs satyp sol 196-baby boıynsha 25 MRP shtraf salynyp jatyr. 18-inen bastap 30-yna deıin kúnde biz 3-4 saǵattap 20 magazınnen aralap shyǵyp jatyrmyz.  Sportty serik etip, salaýatty ómir saltyn ustanǵan jastardan quralǵan qoǵamdyq birlestiktiń 200-ge jýyq belsendi múshesi bar.  Nura aýdanyn aralaǵan sportshylar áleýmettik mańyzdy reıd aldaǵy kúnderi jalǵasady deıdi. Buǵan deıin Astana qalasyndaǵy saýda oryndarynan 4 tonnadan astam ruqsat etilmegan tabak buıymdary tárkilenipti.