جاڭالىقتار
استانادا بالانى بەدەلدى مەكتەپكە قابىلداۋعا كومەكتەسەمىن دەپ ۋادە بەرگەن الاياق ۇستالدى
فوتو: اشىق دەرەككوز
استانادا الاياق ۇستالدى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.
جەرگىلىكتى تۇرعىن بەلگىسىز ازاماتشانىڭ الاياقتىق ارەكەتىنەن ماتەريالدىق شىعىن كورگەنى تۋرالى پوليتسياعا حابارلاسقان. جابىرلەنۋشى ءوزىنىڭ بالاسىن بەدەلدى وقۋ ورنىنا ءتۇسىرۋدى ۇيعارىپ, دوستارى ارقىلى وعان كومەكتەسۋگە ۋادە بەرگەن ايەلمەن تانىسقان.
جاڭا دوسى ءوزىنىڭ قىزمەتى ءۇشىن جارتى ميلليون تەڭگە سۇرادى. الايدا ارىزدانۋشىنىڭ ايتۋىنشا, الاياق بىرنەشە ايدان كەيىن ۋادەسىن ورىنداۋدى توقتاتقان. ايەل ءوزىنىڭ الدانعانىن ءتۇسىنىپ, ىشكى ىستەر ورگاندارىنا ارىز جازعان.
جەدەل ىزدەستىرۋ ءىس-شارالارىنىڭ ناتيجەسىندە الماتى اۋدانىنىڭ كريمينالدىق پوليتسيا قىزمەتكەرلەرى الاياقتىق جولمەن اقشا العان 43 جاستاعى كۇدىكتىنى انىقتادى.
ونىڭ ءبىلىم بەرۋ جۇيەسىنە ەشقانداي قاتىسى جوق, ول جابىرلەنۋشىنىڭ شامادان تىس سەنىمدىلىگىن پايدالانعان.
قاسكۇنەم مويىنداۋ ايعاعىن بەردى. الاياقتىق فاكتىسى بويىنشا قىلمىستىق ءىس تىركەلدى. قازىرگى ۋاقىتتا ونىڭ وسىعان ۇقساس باسقا دا قىلمىستارعا قاتىستىلىعى تەكسەرىلىپ جاتىر.
