Astanada balany bedeldi mektepke qabyldaýǵa kómektesemin dep ýáde bergen alaıaq ustaldy

Foto: ashyq derekkóz

Astanada alaıaq ustaldy, – dep habarlaıdy qandastar.kz Massaget.kz tilshisine silteme jasap.

Jergilikti turǵyn belgisiz azamatshanyń alaıaqtyq áreketinen materıaldyq shyǵyn kórgeni týraly polıııaǵa habarlasqan. Jábirlenýshi óziniń balasyn bedeldi oqý ornyna túsirýdi uıǵaryp, dostary arqyly oǵan kómektesýge ýáde bergen áıelmen tanysqan.

Jańa dosy óziniń qyzmeti úshin jarty mıllıon teńge surady. Alaıda aryzdanýshynyń aıtýynsha, alaıaq birneshe aıdan keıin ýádesin oryndaýdy toqtatqan. Áıel óziniń aldanǵanyn túsinip, ishki ister organdaryna aryz jazǵan.

Jedel izdestirý is-sharalarynyń nátıjesinde Almaty aýdanynyń krımınaldyq polıııa qyzmetkerleri alaıaqtyq jolmen aqsha alǵan 43 jastaǵy kúdiktini anyqtady.

Onyń bilim berý júıesine eshqandaı qatysy joq, ol jábirlenýshiniń shamadan tys senimdiligin paıdalanǵan.

Qaskúnem moıyndaý aıǵaǵyn berdi. Alaıaqtyq faktisi boıynsha qylmystyq is tirkeldi. Qazirgi ýaqytta onyń osyǵan uqsas basqa da qylmystarǵa qatystylyǵy tekserilip jatyr.