استانادا بالانى ۆوكزالعا ءبىرجولا قالدىرىپ كەتكەن

فوتو: اشىق دەرەككوز

WhatsApp چاتتارىندا قاراۋسىز قالعان بالا تۋرالى حابارلاما تارادى. وندا بالانى ادەيى تاستاپ كەتكەنى جانە قالتاسىندا «بالادان باس تارتامىن» دەگەن جازبا بار ەكەنى ايتىلعان, دەپ جازدى qandastar.kz

كولىك دەپارتامەنتى ۆوكزالدا قاراۋسىز قالعان بالا تابىلعانى تۋرالى دەرەكتى راستادى. سونىمەن قاتار, پوليتسيا بالانىڭ اناسى ىزدەستىرىلىپ جاتقانىن حابارلادى.

«استانا ستانتسياسىنداعى جەلىلىك پوليتسيا باسقارماسى كامەلەتكە تولماعان بالانى قاۋىپتى جاعدايدا قالدىرۋ دەرەگى بويىنشا سوتالدى تەرگەۋ باستادى. تابىلعان بالا پروفيلاكتيكالىق ماقساتتا مەديتسينالىق مەكەمەگە ورنالاستىرىلدى», دەپ مالىمدەدى ءباسپاسوز قىزمەتى.