Jańalyqtar
Astanada balasynyń emine qomaqty aqsha jınaǵan erli-zaıypty: QMA alaıaqtyq faktisi boıynsha aqparat berdi
Tergeý amaldaryna saı, balanyń qatysýymen kórsetilgen beınerolıkter, áserli jazbalar Instagram jáne Facebook arqyly júrgizilgen targettelgen jarnama myńdaǵan qazaqstandyqtyń júregine áser etken.
Zakon.kz jazǵandaı, azamattardyń senimi men janashyrlyǵyn paıdalana otyryp, kúdiktiler 1,3 mlrd teńgeden astam kólemde qarajat jınaǵan. Alaıda, balanyń emine tek 6,4 mıllıon teńge jumsalǵan.
Qalǵan qarajat erli-zaıypty jeke qajettilikterine paıdalanylǵan.
Naqty aıtqanda, elordada 3 páter, jer telimi, 5 avtokólik satyp alynǵan. Sonymen qatar, qarajattyń bir bóligi qumar oıyndaryna jumsalǵan.
Qaıyrymdylyq qarjysyn turaqty túrde alyp otyrý úshin olar kelip túsken qarajattyń úshten bir bóligin (481 mıllıon teńgeden astam) áleýmettik jelidegi paraqshalaryn jarnamalaýǵa baǵyttaǵan. Meta Ads arqyly júrgizilgen jarnama aýdıtorııany edáýir keńeıtip, qaıyrymdylyq kólemin arttyrýǵa múmkindik bergen.
Kúdiktiler Túrkııadaǵy LIV Hospital klınıkasynda 84 mıllıon teńge turatyn ota jasatamyz degen jeleýdi de paıdalanǵan. Qajetti soma jınalǵanymen, shetelde ota jasalmaǵan. Kerisinshe, olar Instagram paraqshasynda áýejaıdaǵy «ushyp bara jatqan» kórinisti beıneleıtin rolık jarııalap, operaııa sátti ótti degen jalǵan aqparatpen jazba salǵan.
Sotqa deıingi tergep-tekserý bastalǵanyn bilgen soń, olar qylmystyq jolmen alynǵan aktıvterdi tárkileýden jasyrý maqsatynda jer telimin úshinshi tulǵanyń atyna rásimdegen. Alaıda tergeý bul mámileniń jalǵan ekenin dáleldedi.
Sot sankııasymen qylmystyq jolmen alynǵan múlikterdiń barlyǵyna tyıym salyndy.
Kúdiktilerge qatysty bultartpaý sharasy retinde úıqamaq túri tańdaldy.
Qazirgi ýaqytta qylmystyq is sotta qaralýda.
QR Konstıtýııasynyń 77-babynyń 3-tarmaǵynyń 1-tarmaqshasyna jáne QR Qylmystyq-proestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.
