استانادا بەيبىتشىلىك جانە كەلىسىم سارايىنىڭ اۋماعى جارىقسىز قالدى

فوتو: اشىق دەرەككوز

استانادا الماتى ىقشام اۋدانىنىڭ ءبىر بولىگى جارىقسىز قالدى. وقيعانىڭ سەبەبى بەلگىسىز, دەپ حابارلادى qandastar.kz

مىڭجىلدىق اللەياسى, تاۋەلسىزدىك داڭعىلى, قورداي جانە بايتۇرسىنوۆ كوشەلەرىندە ەلەكتر جارىعى ءسوندىرىلدى. بۇل اۋداندا تاۋەلسىزدىك سارايى مەن بەيبىتشىلىك جانە كەلىسىم سارايى ورنالاسقان.

«تەحنولوگيالىق بۇزۋشىلىق 15:06-دا ورىن العان. سەبەپتەرى بەلگىسىز. 15;32-دە رەزەرۆتىك قۋاتقا اۋىسۋ جاسالدى. قازىر ونىڭ سەبەبىن انىقتاۋ جانە جويۋ جۇمىستارى جۇرگىزىلۋدە», – دەلىنگەن ەنەرگەتيكالىق كومپانيانىڭ حابارلاماسىندا.

ازىرگە ايماق رەزەرۆتىك قۋاتپەن قامتاماسىز ەتىلگەن.