جاڭالىقتار
استانادا بەلگىسىز بىرەۋلەر سۋديانى ۇرلاپ اكەتكەن
فوتو: Midjourney
پوليتسەيلەر استانادا سۋديانىڭ ۇرلانۋى تۋرالى اقپاراتقا قاتىستى پىكىر ءبىلدىردى, – دەپ حابارلايدى Tengrinews.kz ءتىلشىسى.
قۇقىق قورعاۋ ورگاندارى قىلمىستىق ءىس تەرگەلىپ جاتقانىن راستادى.
«استانا پوليتسيا دەپارتامەنتى استانا تۇرعىنىن بوپسالاۋ جانە ۇرلاۋ دەرەگى بويىنشا سوتالدى تەرگەۋ جۇرگىزىپ جاتىر. سوتالدى تەرگەپ-تەكسەرۋ مۇددەسىندە قالعان اقپارات جاريالانبايدى», – دەپ حابارلادى پوليتسيا Tengrinews.kzتىلشىسىنە.
سۋديانى ۇرلاۋ تۋرالى اقپارات Kozachkoff offside Telegram-ارناسىندا پايدا بولدى. ونداعى دەرەك بويىنشا, بەتپەردە كيگەن جانە قارۋى بار قاسكۇنەم اۆتوتۇراقتا سۋدياعا بارىپ, ونى كولىككە كۇشتەپ وتىرعىزىپ, ادام جوق جەرگە الىپ كەتكەن. سۋديا ءوز اتىنا نەسيە راسىمدەپ, العان 300 مىڭ تەڭگەسىن بەرگەنى اتاپ وتىلگەن. سونداي-اق, ۇرلىقشى سوت اكتىسىن جويۋ ءۇشىن 12 ميلليون تەڭگە تالاپ ەتىپ, سۋديانى كۇشپەن قورقىتىپ, سودان كەيىن حابارسىز كەتكەن.
