Astanada Darıǵa Nazarbaevaǵa qatysty kompanııadan qonaqúı tartyp alyndy

Foto: ashyq derekkóz

Buryn Darıǵa Nazarbaeva men Qaırat Sháripbaevqa qatysy bar kompanııaǵa tıesili bolǵan Astanadaǵy «Dýman» qonaq úı kesheni qaıtarylǵan aktıvterdi basqarý jónindegi kompanııaǵa berildi, dep qandastar.kz Stan.kz-ke silteme jasap habarlaıdy.

«Qaıtarylǵan aktıvterdi basqarýshy kompanııa» JShS balansyna jalpy somasy 89,9 mıllıard teńge bolatyn 70 aktıv (sonyń ishinde 2,8 mıllıard teńgeniń zergerlik buıymdary) berildi.

“Bul turǵyn úıler, ákimshilik ǵımarattar, «Dýman» qonaq úı kesheni, zańdy tulǵalardyń jarǵylyq kapıtalyndaǵy úlesteri (“Jarkent sý”, “Tulpar”), óndiristik baza, ashana, janar-jaǵarmaı quıý stanııasy, jer telimderi, aıaqtalmaǵan qurylys”, – delingen Qaıtarylǵan aktıvterdi basqarý jónindegi kompanııa habarlamasynda.

Qazaqstanda tórt aktıv, ıaǵnı Astanadaǵy eki qabatty turǵyn úı men Almatydaǵy úsh aktıv (Baıtursynov kóshesi, 46 mekenjaıy boıynsha ákimshilik ǵımarat; Naýryzbaı aýdany, Baıtaq shaǵyn aýdanyndaǵy jer telimi, «Orıon» bıznes ortalyǵy) satyldy.

Birikken Arab Ámirlikterinde Aston Martin, Rolls-Royce kólikteri, shetelde jáne Túrkııada úsh jyljymaıtyn múlik (Mýgla Bodrým aımaǵyndaǵy eki turǵyn úı, Gökçebel kvartaly, Tılkıchı jáne Stambýldaǵy páter) satyldy.

Aıta keteıik, buǵan deıin 2024 jyldyń jaz aıynda Darıǵa Nazarbaeva Kannda 50 mıllıon teńgelik qaıyrymdylyq aýkıonyna otbasymen birge qatysqan edi.