استانادا داريعا نازارباەۆانىڭ رەزيدەنتسياسى نەگە بۇزىلىپ جاتىر?

فوتو: سامات ىسقاقوۆ

ايتىلىپ وتىرعان جەر ەسىلدىڭ وڭ جاعالاۋىنداعى اتاتۇرىك ساياباعى مەن اق بۇلاق وزەنىنىڭ ارالىعىندا ورنالاسقان. اۋماعى 15 مىڭ شارشى مەتردى قۇراعان داريعا نازارباەۆانىڭ رەزيدەنتسياسى ەكى وزەننىڭ تۇيىسكەن جەرىندە. بۇكىل كەشەننىڭ اۋدانى ءبىر كەزدەرى ىشكى ىستەر مينيسترلىگىنىڭ شيپاجايىنا تيەسىلى كورشىلەس جەرمەنمەن بىرگە 300 سوتىقتى قۇراعان, دەپ حابارلايدى qandastar.kz. وسى جىلدىڭ جازىنا دەيىن بۇكىل اۋماققا نازارباەۆا قۇرىلتايشىلىق ەتتى.

بۇل م ۇلىك 2000 جىلى جەلتوقساندا قۇرىلعان «Tranaction» جەكە سەرىكتەسكە تىركەلگەن. نازارباەۆتىڭ ۇلكەن قىزى از عانا ۋاقىت تىكەلەي يەلىك ەتتى. ودان كەيىن اكتيۆتىڭ ەگەسى تۋرالى اقپارات قۇپيادا بولدى.

بۇعان دەيىن كومپانيا نازارباەۆاعا بايلانىسى بار ادامداردارعا تيەسىلى بولدى. مەنشىك يەلەرىنىڭ قۇجات جۇزىندە اۋىسقانىنا قاراماستان, سوڭعى 10 جىلدا كومپانيانى ارمان ناۋرىزباەۆ ۇزدىكسىز باسقاردى.
دەگەنمەن بيىل جازدا ناۋرىزباەۆتىڭ ورنىنا بۇعان دەيىن كۆازيمەملەكەتتىك «قازاقستان تۇرعىن ءۇي كومپانياسىندا» باسشىلىق قىزمەتتە بولعان جاڭىل ساياقوۆا كەلدى.

«Tranaction» كومپانياسى اعىمداعى جىلدىڭ 9-قازانىندا قايتا تىركەلگەن. بۇل كەزدە كومپانيا مەكەن-جايى مەن باسشىسى دا وزگەرگەن. جاڭىل ساياقوۆا «Tranaction» كومپانياسىمەن قاتار ول نۇرلان ارتىقباەۆتىڭ Qazaq Kalium كومپانياسىن باسقارىپ كەلەدى.

سپۋتنيكتەن تۇسىرىلگەن سۋرەتتەرگە قاراعاندا, قازىر نازارباەۆانىڭ بۇرىنعى رەزيدەنتسياسى اۋماعىندا قارقىندى قۇرىلىس جۇمىستارى ءجۇرىپ جاتىر.

بۇل اكتيۆتىڭ قۇنىن تەك شامامەن باعالاۋعا بولادى. جاقىن جەردە ءدال وزەن جاعالاۋىندا ساتىلاتىن مۇنداي ۋچاسكەلەر جوق. وسى ماڭدا ءۇش ەسە از جەر تەلىمدەرى 2 ميلليارد تەڭگەگە باعالانعان. ياعني عيماراتتاردى ەسەپكە الا وتىرىپ, داريعانىڭ اكتيۆىن تومەنگى شەك بويىنشا 7-8 ميلليارد تەڭگەگە باعالاۋعا بولادى.

بلوگەر سامات ىسقاقوۆ بيىل جازدا استاناداعى «دۋمان» قوناقۇي كەشەنى دە ساتىلىمعا شىعارىلعانىن جازدى. بۇعان دەيىن ول دا داريعا نازارباەۆا مەن ونىڭ «جۇبايى» دەلىنەتىن قايرات شارىپباەۆقا تيەسىلى بولعان.