Jańalyqtar
Astanada eki adam janjaldasyp, sońy atyspen aıaqtaldy
Foto:ashyq derekkóz
Elordada eki er adamnyń arasynda týyndaǵan janjal qarýly qaqtyǵysqa ulasty. Oqıǵa saldarynan 41 jastaǵy qala turǵyny jeńil jaraqat alyp, denesinde syrylǵan izder qalǵan, dep jazdy qandastar.kz
Polıııa qyzmetkerleri mán-jaıdy anyqtaý barysynda janjal kezinde olardyń biriniń qarsylasyna travmatıkalyq qarýdan oq atqanyn jáne keıin oqıǵa ornynan izin sýytqanyn anyqtady.
Jedel-izdestirý sharalary nátıjesinde Almaty aýdanynyń polıııa qyzmetkerleri kúdiktiniń jeke basyn anyqtady. Ol 27 jastaǵy azamat bolyp shyqty.
Ustalǵan azamat óz kinásin tolyq moıyndady. Tergeý barysynda qylmysqa aıǵaq zat retinde tanylǵan tapansha tárkilendi.
Qazirgi tańda atalǵan fakti boıynsha qylmystyq is qozǵalyp, kúdikti ýaqytsha ustaý ızolıatoryna qamaldy.
Astana qalasynyń polıııa departamenti azamattardy zańsyz saqtalǵan travmatıkalyq qarýdy ishki ister organdaryna dereý tapsyrýǵa shaqyrady.
