استانادا ەر ادامنىڭ ايەلدى دۇكەندە ۇرىپ-سوققانى ۆيدەوعا ءتۇسىپ قالعان

استانالىق ايەلدى دۇكەندە سوققىعا جىققان ءسات ۆيدەوعا ءتۇسىپ قالعان. زارداپ شەككەن ايەل استانالىق دۇكەندەردىڭ بىرىندە ءوزىن قالاي سوققىعا جىققانى تۇسىرىلگەن ۆيدەونى ءبولىستى,-دەپ حابارلايدى Qandastar.kz

ول دۇكەندە بالانى ابايسىزدا قاعىپ كەتكەنىن ايتتى. ونىڭ سوزىنشە, قىزدىڭ كەشىرىم سۇراعانىنا بالانىڭ اكەسى اگرەسسيۆ كورسەتكەن. استانا تۇرعىنىنىڭ ايتۋىنشا, بالا ۇستاعان ەر ادام ونى بالاعاتتاپ, بوقتىق سوزدەر ايتا باستاعان. ارتىنشا ءوزى ورالىپ, تاعى دا ۇرىسىپ, سوڭى توبەلەسكە ۇلاسقان.

جازبادان ەر ادامنىڭ ايەلدى يتەرىپ, وعان فيزيكالىق كۇش قولدانعانىن كورۋگە بولادى.

ەر ادام ادەپسىز سوزدەر ايتقانى ءۇشىن 5 تاۋلىككە قاماۋعا الىنعان. استانا پوليتسيا دەپارتامەنتى وقيعاعا قاتىستى تەرگەۋ باستالعانىن حابارلادى.

«دەنساۋلىققا قاساقانا زيان كەلتىرۋ فاكتىسى بويىنشا قىلمىستىق ءىس قوزعالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى», – دەپ حابارلادى استانا پوليتسيا دەپارتامەنتى.