استانادا ءىرى ۇتىستار تۋرالى حابارلايتىن الاياقتىق call-ورتالىعى جويىلدى

قاسكويلەر وزدەرىن «تەحنوسمارت», «بايزون», «Like me shop» ينتەرنەت-دۇكەندەرىنىڭ قىزمەتكەرلەرى رەتىندە تانىستىرىپ, كولىكتەر مەن پاتەرلەر سياقتى ۇتىستار تۋرالى حابارلاپ, ولارعا سالىق تولەۋ قاجەتتى تۋرالى ايتقان.

جەدەل ءىس-شارالاردى وتكىزۋ كەزىندە كەڭسەنىڭ التى قىزمەتكەرى ۇستالدى. ولاردىڭ بارلىعى قازاقستان رەسپۋبليكاسىنىڭ ازاماتتارى. جەتى نوۋتبۋك, مارشرۋتيزاتور, wi-Fi روۋتەر تاركىلەندى.

Zakon.kz حابارلاعانداي, جەتىسۋ وبلىسىندا پوليتسەيلەر ۇقك قىزمەتكەرلەرىمەن بىرلەسىپ, ينتەرنەت-الاياقتىق جاساۋ ءۇشىن sim-box قۇرىلعىسىن پايدالانۋ فاكتىسىن انىقتادى.

ءتىنتۋ بارىسىندا 96 سلوتى بار جەتى sim-box قۇرىلعىسى, قازاقستاندىق ۇيالى وپەراتورلاردىڭ 50 مىڭنان استام sim-كارتاسى, جەتى ۇيالى تەلەفون, ەكى نوۋتبۋك, سونداي-اق قاڭتار وقيعاسى كەزىندە ۇرلانعان دەپ بولجانعان يج-53 ماركالى ەكى پنەۆماتيكالىق تاپانشاسى جانە ءتورت ارميالىق كاسكا تاركىلەندى.

بۇل فاكتىلەر بويىنشا سوتقا دەيىنگى تەرگەۋ باستالدى.

بيىل كيبەرقىلمىسقا قارسى ءىس-قيمىل بولىنىستەرىنىڭ قىزمەتكەرلەرى بارلىعى 64 sim-box قۇرىلعىسىن انىقتاپ, وتاندىق ۇيالى وپەراتورلاردىڭ 90 مىڭعا جۋىق sim-كارتاسىن تاركىلەدى.