استانادا قاراۋسىز ەسكى عيماراتتان ءجاسوسپىرىم قىزدىڭ ءمايىتى تابىلدى

فوتو: Halyq Uni

استانادا وڭ جاعالاۋدا 10 قىركۇيەكتە  №5 گيمنازيادان 20 مەتر جەردە ءجاسوسپىرىم قىزدىڭ ءمايىتى تابىلعان. وقيعا قاراۋسىز قالعان ەسكى عيمارات ماڭىندا بولعان, دەپ حابارلايدى qandastar.kz Halyq Uni سىلتەمە جاساپ.

الەۋمەتتىك جەلىدەگى بەينەجازباعا قاراعاندا, ول كەڭەس وداعى كەزىندە «زولوتايا رىبكا» بالاباقشاسى بولعان. سونداي-اق, اۆتوردىڭ جازۋىنشا, ءجاسوسپىرىم قىزدىڭ 2010 جىلعى ەكەنىن №16 مەكتەپ وقۋشىلارى راستاعان. ونىڭ الدىندا وسى جەردەن ەر ادامنىڭ ءمايىتى شىققان. عيماراتتىڭ اۋماعى قورشالماعان, بىرنەشە رەت ورتەنگەن.

اقپاراتتى ەلوردا پوليتسياسى راستادى.

كامەلەتكە تولماعان قىزدىڭ ءمايىتىن تەكسەرۋ بارىسىندا كوزگە كورىنەتىن دەنە جاراقاتتارى انىقتالمادى, ءولىمنىڭ سەبەبى انىقتالادى. وسى دەرەك بويىنشا قىلمىستىق ءىس قوزعالدى, – دەپ مالىمدەدى استانا قالاسى پد.