استانادا كەزەكتى اۋىل شارۋاشىلىعى جارمەڭكەسى وتەدى

فوتو: اشىق دەرەككوز

ەلوردادا 12 جانە 13 ساۋىردە كەزەكتى اۋىل شارۋاشىلىعى جارمەڭكەسى وتەدى, – دەپ حابارلايدى  qandastar.kz استانا قالاسى اكىمدىگىنە سىلتەمە جاساپ.

جارمەڭكەدە جەرگىلىكتى فەرمەرلەردىڭ, سونداي-اق قازاقستاننىڭ باسقا وڭىرلەرىنەن كەلگەن وندىرۋشىلەردىڭ ونىمدەرى ۇسىنىلادى. قالا تۇرعىندارى مەن قوناقتارى كوكونىستەر مەن جەمىستەر, ەت, ۇن جانە ءسۇت ونىمدەرىن, كونديتەرلىك ونىمدەر, تابيعي شىرىندار جانە ت.ب. ارزان باعادا ساتىپ الا الادى.

ءىس-شارا 12 جانە 13 ساۋىردە 10:00-دەن 22:00-گە دەيىن نۇرعيسا تىلەنديەۆ داڭعىلى, 12ا مەكەنجايىنداعى «Koktal» ساۋدا-ويىن-ساۋىق ورتالىعىندا وتەدى.

ايتا كەتەيىك, ەلوردادا سول سياقتى بەيبارىس سۇلتان كوشەسى, 23 («ريو-دە-جانەيرو» تك قاراما-قارسى) مەكەنجايى بويىنشا اۋىل شارۋاشىلىعى جارمەڭكەسى جۇمىس ىستەيدى. ول كۇن سايىن ساعات 9.00-دەن 19.00-گە دەيىن اشىق.

تۇرعىندارعا ىڭعايلى بولۋ ءۇشىن جارمەڭكە جانىنان مىناداي اۆتوبۋس مارشرۋتتارى جۇرەدى: №2, 32, 49, 50, 73. بۇل ءىس-شارا وتەتىن جەرگە ىڭعايلى ءارى جىلدام جەتۋدى قامتاماسىز ەتەدى.