Astanada kezekti aýyl sharýashylyǵy jármeńkesi ótedi

Foto: ashyq derekkóz

Elordada 12 jáne 13 sáýirde kezekti aýyl sharýashylyǵy jármeńkesi ótedi, – dep habarlaıdy  qandastar.kz Astana qalasy ákimdigine silteme jasap.

Jármeńkede jergilikti fermerlerdiń, sondaı-aq Qazaqstannyń basqa óńirlerinen kelgen óndirýshilerdiń ónimderi usynylady. Qala turǵyndary men qonaqtary kókónister men jemister, et, un jáne sút ónimderin, kondıterlik ónimder, tabıǵı shyryndar jáne t.b. arzan baǵada satyp ala alady.

Is-shara 12 jáne 13 sáýirde 10:00-den 22:00-ge deıin Nurǵısa Tilendıev dańǵyly, 12a mekenjaıyndaǵy «Koktal» saýda-oıyn-saýyq ortalyǵynda ótedi.

Aıta keteıik, elordada sol sııaqty Beıbarys Sultan kóshesi, 23 («Rıo-de-Janeıro» TK qarama-qarsy) mekenjaıy boıynsha aýyl sharýashylyǵy jármeńkesi jumys isteıdi. Ol kún saıyn saǵat 9.00-den 19.00-ge deıin ashyq.

Turǵyndarǵa yńǵaıly bolý úshin jármeńke janynan mynadaı avtobýs marshrýttary júredi: №2, 32, 49, 50, 73. Bul is-shara ótetin jerge yńǵaıly ári jyldam jetýdi qamtamasyz etedi.