استانادا قوعامدىق ءتارتىپتى بۇزىپ, «ۇياتسىز» سوزدەر ايتقان بلوگەر 15 تاۋلىككە قامالدى

فوتو: ۆيدەودان سكرين

استانادا 33 جاستاعى بلوگەردى تۇنگى كلۋبتاعى ورىنسىز سۇراقتارى ءۇشىن قامادى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

33 جاستاعى مەيرامحانا ارت-ديرەكتورى روليكتەر جاريالاپ, كەلۋشىلەرگە ورىنسىز سۇراقتار قويىپ, كورەرمەندى سوگىسپەن جانە ادەپسىز ازىلدەرىمەن «قالجىڭداعان». بۇل ۆيدەولار الەۋمەتتىك جەلىلەردە تەز تارالىپ, قوعامدا نارازىلىق تۋدىردى.

سوت «ازىلكەشتى» قوعامدىق ءتارتىپتى بۇزعانى ءۇشىن 15 تاۋلىككە قاماۋعا الدى.

پوليتسيا مالىمدەگەندەي, ەشقانداي قارالىمدار مەن لايكتار ادەپسىز ارەكەتتى اقتامايدى. قۇقىق قورعاۋشىلار ينتەرنەت «ەرەجەسىز ايماق» بولىپ ەسەپتەلمەيتىنىن ايتتى.

ەسكە سالايىق, بۇعان دەيىن تۋريزم مينيسترلىگى بلوگەر ەربولات جانابىلوۆتەر Instagram-دە وتكىزگەن كولىك ۇتىستارىن تەكسەرۋگە العانىنجازدىق. مينيسترلىك زاڭسىز لوتەرەيالار مەن ۇتىس ويىندارىنا قاتىسپاۋدى ەسكەرتتى. جانابىلوۆقا تۇسىنىكتەمە بەرۋگە حابارلاما جىبەرىلدى, ال ەگەر جاۋاپ بولماسا, اكىمشىلىك ءىس قوزعالۋى مۇمكىن. ايىپپۇل مولشەرى جەكە تۇلعالارعا 393 مىڭنان ءىرى كاسىپكەرلەرگە 3,9 ملن تەڭگەگە دەيىن جەتۋى ىقتيمال. مينيسترلىك ازاماتتاردى رەسمي ەمەس ۇتىس ويىندارىنا قاتىسپاي, ساق بولۋعا شاقىرادى.