Astanada kólikter taǵy da burshaqtyń astynda qalýy múmkin: sınoptıkter ne deıdi?

Foto: depositphotos.com

Kesheden beri Astana turǵyndary 8 tamyzdaǵy oqıǵanyń qaıtalanýynan qorqyp, avtomobılderge zııan keltirgen qatty burshaqty kútip júr. Al qala turǵyndaryna yqtımal jaýyn-shashyn týraly eskertýmen SMS-habarlamalar kelip, áleýmettik jelide aldaǵy kúnderi elordanyń aýa raıyna qatysty taqyryp qyzý talqyǵa tústi, – dep habarlaıdy qandastar.kz Massaget.kz tilshisine silteme jasap.

Aldaǵy kúnderge aýa raıy boljamyn bilý úshin redakııa Qazgıdrometke júgindi. Sınoptıkter 15 tamyzda elordada kúndiz naızaǵaı soǵyp, burshaq jaýady dep eskertti. Ońtústik-batystan jel soǵady, kúndiz ekpini sekýndyna 15-20 metr. Alaıda, 8 tamyzdaǵydaı kúshti burshaqtyń qaıtalaný yqtımaldyǵy tómen.

«Astanada jaýyn-shashyn kúnniń ekinshi jartysynda bolady dep boljandy. Sondaı-aq, burshaq jaýýy múmkin, biraq jergilikti qubylys, ol búkil qala men meteostanııany qamtymaı-aq ótýi múmkin», – dedi sınoptıkter.

Aldaǵy eki kúnde elordada burshaq jaýady dep boljandy. 16 tamyzda Astanada kóshpeli bult, keıde jańbyr, naızaǵaı kútiledi, kúndiz burshaq jaýýy múmkin. Ońtústik-batystan jel soǵady 9-14, ekpini sekýndyna 15-20 metr. Aýa temperatýrasy túnde 11-13, kúndiz 21-23 jyly.

17 tamyzda kóshpeli bult, keıde jańbyr, naızaǵaı, kúndiz burshaq bolýy múmkin. Ońtústik-batystan jel soǵady, 9-14, ekpini sekýndyna 15-20 metr. Aýa temperatýrasy túnde 11-13, kúndiz 21-23 jyly.