جاڭالىقتار
استانادا كوپقاباتتى تۇرعىن ۇيدەن جاس جىگىت قۇلاپ كەتتى

فوتو: polisia.kz
استاناداعى Highvill تۇرعىن ءۇي كەشەنىندە 22 جاستاعى جىگىتتىڭ قايعىلى جاعدايعا ۇشىراعانى تۋرالى اقپارات تارادى. قالالىق پوليتسيا دەپارتامەنتى وقيعا ورنىنان ءمايىتتىڭ تابىلعانىن راستادى, دەپ حابارلايدى qandastar.kz
پوليتسيانىڭ مالىمەتىنشە, بۇل وقيعاعا قاتىستى قىلمىستىق ءىس قوزعالدى.
«قالادا 22 جاستاعى تۇرعىننىڭ دەنەسى تابىلۋىنا بايلانىستى تەرگەۋ باستالدى. الدىن الا بولجام بويىنشا, مارقۇم كوپقاباتتى ءۇيدىڭ تەرەزەسىنەن قۇلاپ كەتكەن. قازىرگى ۋاقىتتا قۇقىق قورعاۋ ورگاندارى وقيعانىڭ بارلىق ءمان-جايىن انىقتاۋ ءۇشىن جان-جاقتى تەرگەۋ امالدارىن جۇرگىزىپ جاتىر», – دەپ مالىمدەدى پوليتسيا دەپارتامەنتى.
وقيعانىڭ ناقتى سەبەبى مەن باسقا دا جايتتار تەرگەۋ بارىسىندا بەلگىلى بولماق.