استانادا كوشپەندىلەر ويىندارىنىڭ العاشقى جارىسى ءوتىپ جاتىر

فوتو: اشىق دەرەككوز

ەلوردادا كوشپەندىلەر ويىندارىنىڭ العاشقى جارىسى ءوتىپ جاتىر, دەپ حابارلايدى qandastar.kz.

«قازانات» يپپودرومى ماڭىنداعى ەتنواۋىلدا سپورتشىلار جامبى اتۋ سپورت ءتۇرىنىڭ ماجار ءستيلى بويىنشا العاشقى مەدالداردى ساراپقا سالادى. تاڭەرتەڭنەن بەرى الەمنىڭ 30-عا جۋىق ەلىنەن كەلگەن شاباندوزدار ىرىكتەۋدەن ءوتىپ جاتىر, دەيدى ۇيىمداستىرۋشىلار.

جامبى اتۋ – ات ۇستىندەگى ءداستۇرلى ساداق اتۋ سپورتى. جارىسقا 27 مەملەكەتتەن 78 سپورتشى قاتىسىپ وتىر. قازاقستان قۇراماسى ساپىندا ايتبەك سارىباي, ەرالحان ايكوز, باتىر بەكساۋىت, ابزال تۋلىبەكوۆ ونەر كورسەتىپ جاتىر, – دەلىنگەن اقپاراتتا.

ايتا كەتۋ كەرەك, سپورتشىلارىمىز بۇعان دەيىن الەم, ەۋروپا چەمپيوناتتارىندا جۇلدەلى ورىنداردى يەمدەنگەن.

كوشپەندىلەر ويىندارىن Qazaqstan جانە Qazsport تەلەارنالارىنان تىكەلەي ەفير ارقىلى تاماشالاۋعا بولادى.