Astanada Kóshpendiler oıyndarynyń alǵashqy jarysy ótip jatyr

Foto: ashyq derekkóz

Elordada Kóshpendiler oıyndarynyń alǵashqy jarysy ótip jatyr, dep habarlaıdy qandastar.kz.

«Qazanat» ıppodromy mańyndaǵy etnoaýylda sportshylar jamby atý sport túriniń majar stıli boıynsha alǵashqy medaldardy sarapqa salady. Tańerteńnen beri álemniń 30-ǵa jýyq elinen kelgen shabandozdar irikteýden ótip jatyr, deıdi uıymdastyrýshylar.

Jamby atý – at ústindegi dástúrli sadaq atý sporty. Jarysqa 27 memleketten 78 sportshy qatysyp otyr. Qazaqstan quramasy sapynda Aıtbek Sarybaı, Eralhan Aıkóz, Batyr Beksaýyt, Abzal Týlybekov óner kórsetip jatyr, – delingen aqparatta.

Aıta ketý kerek, sportshylarymyz buǵan deıin Álem, Eýropa chempıonattarynda júldeli oryndardy ıemdengen.

Kóshpendiler oıyndaryn Qazaqstan jáne Qazsport telearnalarynan tikeleı efır arqyly tamashalaýǵa bolady.