Astanada krımınaldy top ókilderi ustaldy

Foto: ashyq derekkóz

Elordalyq polıııa departamentiniń uıymdasqan qylmysqa qarsy kúres basqarmasy qylmystyq topty ustady, dep jazdy qandastar.kz

Onyń quramynda birneshe ret sottalǵan krımınalıtet ókilderi bar. Olar birqatar aýyr qylmys jasady dep kúdikke ilindi.

«Epızodtardyń birinde qorqytý jáne zorlyq-zombylyq qoldaný arqyly jergilikti turǵynnan 5 mln teńge somasynda qarajat jáne Toýota markaly jol talǵamaıtyn kólikti ıemdengen. Basqa jaǵdaıda bankterdiń biriniń irgeles aýmaǵynda olar 6 mln teńgeni ashyq túrde tonap ketken. Qylmystyq toptyń barlyq qatysýshylary qamaýǵa alyndy. Olardyń basqa da osyǵan uqsas qylmystyq quqyq buzýshylyqtarǵa qatystylyǵyn tekserý júzege asyrylýda. Sotqa deıingi tergep-tekserý aldyn ala sóz baılasý arqyly adamdar toby jasaǵan bopsalaý jáne tonaý faktileri boıynsha júrgizilýde», — dedi IIM uıymdasqan qylmysqa qarsy kúres departamentiniń ókili Qýandyq Alpys.