جاڭالىقتار
استانادا كريمينالدى توپ وكىلدەرى ۇستالدى
فوتو: اشىق دەرەككوز
ەلوردالىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى قىلمىستىق توپتى ۇستادى, دەپ جازدى qandastar.kz
ونىڭ قۇرامىندا بىرنەشە رەت سوتتالعان كريميناليتەت وكىلدەرى بار. ولار بىرقاتار اۋىر قىلمىس جاسادى دەپ كۇدىككە ءىلىندى.
«ەپيزودتاردىڭ بىرىندە قورقىتۋ جانە زورلىق-زومبىلىق قولدانۋ ارقىلى جەرگىلىكتى تۇرعىننان 5 ملن تەڭگە سوماسىندا قاراجات جانە توۋوتا ماركالى جول تالعامايتىن كولىكتى يەمدەنگەن. باسقا جاعدايدا بانكتەردىڭ ءبىرىنىڭ ىرگەلەس اۋماعىندا ولار 6 ملن تەڭگەنى اشىق تۇردە توناپ كەتكەن. قىلمىستىق توپتىڭ بارلىق قاتىسۋشىلارى قاماۋعا الىندى. ولاردىڭ باسقا دا وسىعان ۇقساس قىلمىستىق قۇقىق بۇزۋشىلىقتارعا قاتىستىلىعىن تەكسەرۋ جۇزەگە اسىرىلۋدا. سوتقا دەيىنگى تەرگەپ-تەكسەرۋ الدىن الا ءسوز بايلاسۋ ارقىلى ادامدار توبى جاساعان بوپسالاۋ جانە توناۋ فاكتىلەرى بويىنشا جۇرگىزىلۋدە», — دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
