Astanada kúnine 10 myń adamǵa qońyraý shalǵan alaıaqtar qamaldy

Foto: prokýratýra

Astanada áleýmettik jelide feık-akkaýnttar jáne feık-nómirler arqyly shabýyl jasaıtyn qylmystyq top ustaldy, – dep habarlaıdy qandastar.kz qalalyq prokýratýraǵa silteme jasap.

Prokýratýra  zańsyz iske qosylǵan SIM qoraptar anyqtaldy. Abonenttik nómirlerdi aýystyrýǵa jáne meken-jaıdy ózgertýge arnalǵan qurylǵylar tárkilendi.

«SIM qoraptary kóptegen SIM kartalaryn saqtaý jáne paıdalaný úshin, bir ýaqytta ondaǵan qońyraý shalýǵa múmkindik beredi. Jarty myńǵa deıin «sım» ornalastyrylǵany jáne saǵatyna júzdegen habarlamalar jibergeni anyqtaldy. Jalpy, tárkilengen jabdyqtyń qýattylyǵy kúnine 10 myńnan astam alaıaqtyq qońyraý shalýǵa múmkindik bergen», – dep habarlady Astana prokýratýrasy.

Qazir zardap shekkender anyqtalyp jatyr.