الەۋمەت جانە قوعامجاڭالىقتار
استانادا كەزدەسۋگە بارعان جىگىت قىزدىڭ قىمبات تەلەفونىن ۇرلاپ كەتكەن
پوليتسيا قىزمەتكەرلەرى كەزدەيسوق تانىسىنىڭ قىمبات سمارتفونىن ۇرلادى دەگەن كۇدىكپەن 27 جاستاعى جىگىتتى ۇستادى, دەپ جازدى Qandastar.kz
تەرگەۋ مالىمەتىنشە, جاس جىگىت جابىرلەنۋشىمەن ەلورداداعى تۇنگى ويىن-ساۋىق ورىندارىنىڭ بىرىندە تانىسقان. اڭگىمە قوناق ءۇي نومىرىندە جالعاسقان.
«بويجەتكەن ۇيىقتاپ جاتقان كەزدە جاعدايدى پايدالانىپ, قۇنى 700 مىڭ تەڭگەدەن اساتىن ءموبيلدى تەلەفوندى ۇرلاپ كەتكەن. كوپ ۇزاماي تەلەفوندى كەزدەيسوق جولىققان ادامعا ساتىپ جىبەرگەن. جابىرلەنۋشى پوليتسياعا حابارلاسىپ, كۇدىكتىنىڭ سىرت كەلبەتىن ەگجەي-تەگجەيلى سيپاتتاپ بەرگەن», – دەپ حابارلادى پوليتسيادا.
جەدەل-ىزدەستىرۋ شارالارىنىڭ ناتيجەسىندە جىگىتتىڭ جەكە باسى انىقتالىپ, ول ۇستالدى. ۇرلانعان زات تاركىلەنىپ, يەسىنە قايتارىلدى.
