Astanada kezdesýge barǵan jigit qyzdyń qymbat telefonyn urlap ketken

Polıııa qyzmetkerleri kezdeısoq tanysynyń qymbat smartfonyn urlady degen kúdikpen 27 jastaǵy jigitti ustady, dep jazdy Qandastar.kz

Tergeý málimetinshe, jas jigit jábirlenýshimen elordadaǵy túngi oıyn-saýyq oryndarynyń birinde tanysqan. Áńgime qonaq úı nómirinde jalǵasqan.

«Boıjetken uıyqtap jatqan kezde jaǵdaıdy paıdalanyp, quny 700 myń teńgeden asatyn mobıldi telefondy urlap ketken. Kóp uzamaı telefondy kezdeısoq jolyqqan adamǵa satyp jibergen. Jábirlenýshi polıııaǵa habarlasyp, kúdiktiniń syrt kelbetin egjeı-tegjeıli sıpattap bergen», – dep habarlady polıııada.

Jedel-izdestirý sharalarynyń nátıjesinde jigittiń jeke basy anyqtalyp, ol ustaldy. Urlanǵan zat tárkilenip, ıesine qaıtaryldy.