الەۋمەت جانە قوعام
استانادا ليفتتە جاسوسپىرىمنەن جاپا شەككەن 5 جاسار بالانىڭ بەتى جانسىزدانىپ قالدى
فوتو: ۆيدەودان سكرين
استاناداعى تۇرعىن ءۇي ليفتىندە ءجاسوسپىرىم بەتىن پىشاقپەن تىلگەن 5 جاسار بالانىڭ اناسى ۇلىنا شۇعىل كومەك كەرەك ەكەنىن ايتتى. بالا شەتەلدە جاسالاتىن ەمگە مۇقتاج, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
“بالانىڭ بەت جۇيكەسى زاقىمدانعان… سول جاق بەتى جانسىزدانىپ قالدى”, – دەپ جازدى بالانىڭ اناسى.
ەسكە سالساق, 2025 جىلدىڭ اقپان ايىندا استاناداعى تۇرعىن ءۇي كەشەندەرىنىڭ ءبىرىنىڭ ليفتىندە 14 جاستاعى ءجاسوسپىرىم 5 جاسار بالانىڭ بەتىن پىشاقپەن تىلگىلەپ تاستاعانى تۋرالى جازعان ەدىك.
استانا قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى ايىپتالۋشى ك-نىڭ II توپتاعى مۇگەدەك ەكەنىن, پسيحونەۆرولوگيالىق ديسپانسەردە ەسەپتە تۇرعانىنى قاراماستان, 2025 جىلعى 11 اقپاندا تۇرعىن ءۇي كەشەنىنىڭ ليفتىندە بولعان كەزدە كامەلەتكە تولماعان ە-ءنىڭ دەنەسىنە زاقىم كەلتىرىپ, ونىڭ بەتىنە پىشاقپەن جاراقات سالعانىن انىقتادى.
سوت قاۋلىسىنا سايكەس, ك-عا تالعار اۋدانى اقتاس اۋىلىنداعى قارقىندى باقىلاناتىن مامانداندىرىلعان ۇلگىدەگى مەكەمەدە ستاتسيونارلىق ماجبۇرلەپ ەمدەۋ تاعايىندالدى.
