Astanada LRT deponyń qurylysy jalǵasyp jatyr

Astana qalasynda LRT deposynyń keshendi ortalyǵynyń nysandary men ǵımarattarynyń qurylysy jalǵasyp jatyr. Bul týraly CTS kólik kompanııasy málim etti, dep habarlaıdy qandastar.kz

Depo — jyljymaly quramdy senimdi paıdalanýdy, tehnıkalyq qyzmet kórsetýdi jáne saqtaýdy qamtamasyz etetin kólik ınfraqurylymynyń negizgi býyny. Búginde nysannyń daıyndyǵy 50% quraıdy.

Keshendi ortalyqqa basqarý ortalyǵy, paıdalaný deposy, jóndeý deposy, lokomotıv deposy sııaqty birneshe negizgi nysandar kiredi.

— Deponyń keshendi ortalyǵyn qurý LRT tehnıkasyn paıdalanýǵa, jóndeýge jáne qyzmet kórsetýge baılanysty barlyq proesterdi ortalyqtan basqarýǵa múmkindik beredi. Qazirgi kezeńde paıdalaný jáne lokomotıv deposyndaǵy negizgi temirbeton jáne metall konstrýkııalyq jumystar aıaqtaldy. Ishki bólimderdi montajdaý jumystary júrgizilip jatyr, — delingen habarlamada.

Keshendi ortalyqty iske qosý barlyq 18 stanııanyń jáne tutastaı alǵanda búkil jeliniń turaqty jumys isteýi úshin qajetti poıyzdardyń qozǵalysyn jáne barlyq LRT ınfraqurylymynyń jaı-kúıin táýlik boıy baqylaýdy qamtamasyz etedi.

Jumystar bekitilgen kestege sáıkes júrgizilip jatyr.