جاڭالىقتار
«ادىلدىك جانە وركەندەۋ» قورى مەديتسينا قىزمەتكەرلەرىنىڭ ەڭبەك قۇقىعىن قورعاماق
فوتو: اشىق دەرەككوز
«ادىلدىك جانە وركەندەۋ» قوعامدىق قورىنا «اڭسار مەديتسينالىق كومپانياسى» جشس بۇرىنعى قىزمەتكەرلەرى حابارلاستى. ولار قوردان ەڭبەك قۇقىقتارىن قورعاۋدى سۇراعان, – دەپ جازادى qandastar.kz
دارىگەر, مەيىربيكە, سانيتار, بارلىعى 17 قىزمەتكەر بۇرىنعى جۇمىس بەرۋشى دانيار قۇدابەكوۆ “ەڭبەكاقىمىزدى جەپ قويدى” دەپ شاعىمداندى. ونىڭ قىزمەتكەرلەر الدىنداعى قارىزى 1 ميلليونعا جەتكەن.
«ودان بولەك, 2023 جىلدىڭ مامىر ايىنان بەرى جۇمىس بەرۋشى ءبىزدىڭ زەينەتاقى تولەمدەرىمىزدى اۋدارماعان. كءۇتىپ سابىرىمىز سارقىلدى, سول ءۇشىن قوردىڭ كومەگىنە جۇگىنىپ وتىرمىز», – دەيدى مەدبيكە ساليا ءجۇسىپوۆا.
سانيتار قالدىگۇل جۇمادۋللاەۆا دا ەڭبەكاقىسىن ايلاپ الماعان. سوما قوماقتى – كەيبىرىنىڭ الا الماتس جۇرگەن اقشاسى 1 ميلليونعا جۋىق.
«مۇنداي جاعدايدا زاڭ قىزمەتكەرلەر جاعىندا, سوندىقتان ولار بۇل ىستە جەڭەدى. ءاربىر جۇمىسكەرگە وسىنداي جاعدايدا شىداپ وتىرماي, ماسەلەنى بىردەن زاڭ بويىنشا شەشۋگە تىرىسۋعا كەڭەس بەرەمىن», –دەيدى «ادىلدىك جانە ءوركەندەۋ» قورىنىڭ زاڭگەرى دارحان قۇلجامبەكوۆ.
ەڭبەك قۇقىعى تاپتالعان قىزمەتكەرلەر «اڭسار مەديتسينالىق كومپانياسى» جشس ۇستىنەن ارىز جازدى. بۇل ءىستە «ادىلدىك جانە وركەندەۋ» قورى ولارعا تەگىن زاڭگەرلىق قولداۋ كورسەتەتىن بولادى.
ايتا كەتەيىك, «ادىلدىك جانە وركەندەۋ» قوعامدىق قورى ەڭبەك ادامىنىڭ قۇقىعىن قورعاپ, زاڭگەر كەڭەسىن تەگىن كورسەتەدى. قوردىڭ قازاقستاننىڭ بارلىق ايماعىندا وكىلدىگى بار, جەتى وبلىستا قوعامدىق قابىلداۋى جۇمىس ىستەپ تۇر.
