Jańalyqtar
Astanada memlekettik kompanııalardyń jumys kestesi ózgeredi
Foto: Astana ákimdigi
Astanada 15 qyrkúıekten bastap kommýnaldyq kásiporyndar men memlekettik kompanııalardyń jumys kúni bastalatyn ýaqyty ózgeredi, dep jazdy qandastar.kz
Bul shara jol qozǵalysyn jeńildetý úshin qabyldanbaq. Bul týraly Stan.kz aqparat agenttigi habarlaıdy.
Ákimdiktiń málimeinshe, tek memlekettik jáne kvazımemlekettik uıymdardyń jumys kestesi ózgeredi.
“15 qyrkúıekten bastap engiziletin jańa jumys kestesi negizinen qalanyń ortalyq aýdandarynda ornalasqan memlekettik jáne kvazımemlekettik uıymdarǵa qatysty. Mektepter, medıınalyq mekemeler jáne halyqqa qyzmet kórsetý ortalyqtary sekildi áleýmettik nysandar burynǵy rejım boıynsha jumysyn jalǵastyrady. Bul sharalar tańǵy ýaqytta kólik aǵynyn birkelki etýge jáne qaladaǵy kólik kóp júretin tas joldardaǵy qozǵalys tyǵyzdyǵyn azaıtpaq”, – delingen ákimdik habarlamasynda.
Sonymen qatar kólikti tyıym salynǵan jerlerge qoıý jáne qoıý erejelerdi buzý derekterine qatysty baqylaý kúsheıtilmek. Erejeni óreskel buzǵan kólikter arnaıy aıyp turaǵyna qoıylady.
Aldyn ala esepteýler boıynsha, qolǵa alynǵan sharalar tańǵy jáne keshki ýaqytta kólik júktemesin 15–20 paıyzǵa deıin tómendetýge múmkindik beredi.
Mamandardyń aıtýynsha, bul bastama ekologııalyq jaǵdaıǵa oń áser etip, qalalyq mobıldilik sapasyn arttyrady.
“QazirAstananyń ártúrli aýdandaryndaǵy kólik aǵymdaryna keshendi taldaý júrgizilip jatyr.Tek jumys kúni bastalý ýaqytyn ózgertý ǵana emes, jekelegen uıymdar úshin túski úzilis nemese jumys kúniniń aıaqtalý ýaqytyn ózgertý syndy basqa da sharalar qarastyrylyp jatyr”, – dep tolyqtyrdy ákimdiktegiler.
Buǵan deıin depýtattar Almatydaǵy keptelis máselesin sheshý úshin qyzmetkerlerge qashyqtan jumys istep, stýdentterge sabaqty erte bastaýdy usynǵanedi.
