Bilim
Astanada oqýshy qatarlasyn elektroshokermen taldyrǵan
Foto: ashyq derekkóz
Astanadaǵy №81 aǵylshyn tilinde oqytatyn aqyly mekteptiń 8-synyp oqýshysy qurdasyna elektroshoker qoldanyp ses kórsetken. Toq urǵan qatarlasy birden mektep dálizinde talyp qalǵan, dep habarlaıdy qandastar.kz
Oqıǵaǵa kýá bolǵan ata-analardyń aıtýynsha, bala shamamen eki saǵattaı esin jınaı almaǵan. Tek sodan keıin ǵana, jaǵdaıdyń ýshyqqanyna kóz jetkizgen soń, mektep ákimshiligi jedel járdem shaqyrǵan. Toq urǵan bala qazir №2 kópbeıindi aýrýhanaǵa jatqyzylǵan. Dárigerler balany tilge keltirip, qajetti em-dom jasaǵanyn málimdedi, dep habarlady KTK telearnasy.
Buzaqylyqqa barǵan balanyń ata-anasyna hattama toltyrylyp, tergeý bastaldy. Mektepke jylyna mıllıon teńgeden kóp aqsha tóleıtin ata-analar balalarynyń qaýipsizdigine alańdaýly.
