استانادا وقۋشىلار مەن ستۋدەنتتەردىڭ جازعى دەمالىسى ۇزارتىلۋى مۇمكىن

فوتو: bugin.kz

استانادا V دۇنيەجۇزىلىك كوشپەندىلەر ويىندارىن وتكىزۋگە بايلانىستى وقۋ جىلىنىڭ باستالۋى كەيىنگە قالدىرىلۋى مۇمكىن. بۇل تۋرالى وكق بريفينگىندە قر تۋريزم جانە سپورت ۆيتسە-ءمينيسترى سەرىك جاراسباەۆ مالىمدەدى. قاجەتتىلىك ترافيكتىڭ جوعارىلاۋ قاۋپىنە بايلانىستى تۋىنداۋى مۇمكىن.

«شتابتاردىڭ بىرىندە بىزدە وقۋ كەزەڭىنىڭ باسىندا قالا جۇكتەمەسى مەن ترافيك ماسەلەسى كوتەرىلدى. ءبىز وقۋ-اعارتۋ مينيسترلىگى جانە عىلىم جانە جوعارى ءبىلىم مينيسترلىكتەرىمەن كەلىسسوزدەر جۇرگىزىپ جاتىرمىز. ازىرشە ەكى ويلىمىز. ءبىز قابانباي باتىر مەن تۇران داڭعىلدارىنىڭ ماڭىنداعى مەكتەپتەردى ونلاين وقىتۋ فورماتىنا اۋىستىرامىز. وندا ءبىر ۋنيۆەرسيتەت, ءتورت-بەس مەكتەپ, كوللەدجدەر مەن بالاباقشالار بار. نەمەسە ءبىز استانادا وقۋ كەزەڭىنىڭ باستالۋىن كەشىكتىرەمىز», – دەدى جاراسباەۆ.

شەشىم كەلەسى اپتادا قابىلدانادى. شاتل-باسس تا قولدانىلادى. ولار نىساندار مەن قوناقۇيلەر اراسىندا جۇمىس ىستەيدى, جۇكتەمەنى جانە جەكە كولىكتى پايدالانۋ قاجەتتىلىگىن ازايتادى. ونىڭ ايتۋىنشا, قابانباي باتىر مەن تۇران كوشەلەرىن جابۋدى ءالى جوسپارلاپ وتىرعان جوق.

«وعان قوسا, ءبىز جۇمىسقا باراتىن ادامدارعا كەدەرگى كەلتىرمەۋ ءۇشىن جارىستىڭ رەسمي باستالۋىن ساعات 9: 00-دەن 11: 00-گە اۋىستىردىق», – دەپ قوستى سپيكەر.

V دۇنيەجۇزىلىك كوشپەندىلەر ويىندارى 8-13 قىركۇيەك ارالىعىندا وتەدى. 89 ەلدەن 2,5 مىڭ قاتىسۋشى كەلەدى دەپ كۇتىلۋدە.