Astanada oqýshylar men stýdentterdiń jazǵy demalysy uzartylýy múmkin

Foto: bugin.kz

Astanada V Dúnıejúzilik kóshpendiler oıyndaryn ótkizýge baılanysty oqý jylynyń bastalýy keıinge qaldyrylýy múmkin. Bul týraly OKQ brıfınginde QR týrızm jáne sport vıe-mınıstri Serik Jarasbaev málimdedi. Qajettilik trafıktiń joǵarylaý qaýpine baılanysty týyndaýy múmkin.

«Shtabtardyń birinde bizde oqý kezeńiniń basynda qala júktemesi men trafık máselesi kóterildi. Biz Oqý-aǵartý mınıstrligi jáne Ǵylym jáne joǵary bilim mınıstrlikterimen kelissózder júrgizip jatyrmyz. Ázirshe eki oılymyz. Biz Qabanbaı batyr men Turan dańǵyldarynyń mańyndaǵy mektepterdi onlaın oqytý formatyna aýystyramyz. Onda bir ýnıversıtet, tórt-bes mektep, kolledjder men balabaqshalar bar. Nemese biz Astanada oqý kezeńiniń bastalýyn keshiktiremiz», – dedi Jarasbaev.

Sheshim kelesi aptada qabyldanady. Shatl-bass ta qoldanylady. Olar nysandar men qonaqúıler arasynda jumys isteıdi, júktemeni jáne jeke kólikti paıdalaný qajettiligin azaıtady. Onyń aıtýynsha, Qabanbaı batyr men Turan kóshelerin jabýdy áli josparlap otyrǵan joq.

«Oǵan qosa, biz jumysqa baratyn adamdarǵa kedergi keltirmeý úshin jarystyń resmı bastalýyn saǵat 9: 00-den 11: 00-ge aýystyrdyq», – dep qosty spıker.

V Dúnıejúzilik kóshpendiler oıyndary 8-13 qyrkúıek aralyǵynda ótedi. 89 elden 2,5 myń qatysýshy keledi dep kútilýde.