استانادا رۇقسات ەتىلمەگەن ەكى پوليگون جويىلدى

1500-دەن استام ستۋدەنت پەن ەلوردالىق ءماسليحات دەپۋتاتتارى «نۇرا-ەسىل» كانالىنان 200 توننادان استام قوقىس جينادى. رۇقسات ەتىلمەگەن قوقىس ورىندارىنان قوقىس شىعارۋ ءۇشىن 30-دان استام اۋىر جۇك رەيسى جاسالدى.

«ەلوردالىق دەپۋتاتتار وسى ەكولوگيالىق اكتسياعا بەلسەندى قاتىسىپ جاتىر. بۇگىن ءبىز «نۇرا-ەسىل» كانالىن تازالاۋ اكتسياسىن ۇيىمداستىردىق. اكتسياعا ستۋدەنتتەر بەلسەندى قاتىسىپ جاتىر. قالانىڭ تازالىعى ارقايسىمىزدان باستالادى, ال تازالىقتى ساقتاۋ – ءبارىمىزدىڭ ورتاق جاۋاپكەرشىلىگىمىزدە. بۇل وسكەلەڭ ۇرپاققا ۇلگى بولادى. بۇل باستاما قورشاعان ورتانى قورعاۋعا ۇجىمدىق قاتىسۋدىڭ ماڭىزدىلىعىن كورسەتەدى. مۇنداي ءىس-شارالار ءبىزدىڭ ەكولوگيامىزدىڭ جاي-كۇيىن جاقسارتۋعا كوبىرەك ادامداردى بەلسەندى قاتىسۋعا ىنتالاندىرادى دەپ ۇمىتتەنەمىن», – دەدى ەلوردالىق ءماسليحات دەپۋتاتى عابيت ءتاجىمۇراتوۆ.

استانادا ەكواكتسيا ءالى دە جالعاسادى.

ەسكە سالا كەتەيىك, اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كاناليزاتسياسى, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر.

«ءبىز, ستۋدەنتتەر, قورشاعان ورتانى جاقسارتۋعا ۇلەس قوسا الاتىنىمىزدى ماقتان تۇتامىز. ءبىزدىڭ بەلسەندىلىگىمىز باسقالاردى دا وسىنداي باستامالارعا قىزىقتىرادى دەپ ۇمىتتەنەمىن. استانادا ەكواكتسيا باستالعاننان بەرى قالماي قاتىسىپ ءجۇرمىز», – دەدى ەلوردالىق كوللەدج ستۋدەنتى اليمان نۇريسلاموۆ.

سونداي-اق, جاسىل جەلەكتەردى كۇتىپ-ۇستاۋ جانە وتىرعىزۋ, ساۋدا وبەكتىلەرىنە ىرگەلەس اۋماقتاردى جيناۋ, كوگالدار مەن گۇلزارلار ورناتۋ, رۇقسات ەتىلمەگەن پوليگونداردى جويۋ جانە ت. ب. جۇمىستار جۇرگىزىلۋدە.