جاڭالىقتار
استانادا سۋ تاپشىلىعى بار ما — نۇرجان نۇرجىگىتوۆ جاۋاپ بەردى
جۋرناليستەر ەلورداداعى سۋ تاپشىلىعى ستسەناريىنىڭ قايتالانۋى قانشالىقتى مۇمكىن ەكەنىن سۇرادى.
«استانادا سۋ تاپشىلىعى بولمايدى دەپ ناقتى ايتا الادى. ويتكەنى قالانى اۋىز سۋمەن قامتاماسىز ەتەتىن استانا سۋ قويماسى كوكتەمگى سۋ تاسقىنى كەزەڭىندە 100 پايىزدان استام تولتىرىلدى. قازىر سۋ كەستەگە ساي بەرىلىپ جاتىر», – دەدى نۇرجىگىتوۆ جاۋابىندا.
نۇرجىگىتوۆ ءسۇزۋ ستانساسىنىڭ قۇرىلىسىنا قوسىمشا 418 ميلليارد تەڭگە بولىنگەنىن ايتتى.
«بۇل جۇمىستار قالانى بولاشاقتا تولىق اۋىز سۋمەن قامتاماسىز ەتۋ ءۇشىن قاجەت», – دەدى مينيستر.
بۇعان دەيىن ۇكىمەت وتىرىسىندا يندۋستريا جانە قۇرىلىس ءمينيسترى ەرسايىن ناعاسپاەۆ بىرقاتار ءىرى قالالارداعى اۋىز سۋدىڭ ساپاسى مەن تاپشىلىعى ماسەلەلەرى سۋ تازارتۋ قۇرىلىستارىن سالۋ جانە جاڭعىرتۋ ارقىلى شەشىلگەنىن حابارلادى.
سونداي-اق:
- استانادا جالپى سوماسى 118 ملرد تەڭگەگە سورعى-سۇزگى ستانساسى سالىنىپ, ماگيسترالدىق سۋ قۇبىرى قايتا جاڭعىرتىلدى;
- اتىراۋدا جالپى سوماسى 17 ملرد تەڭگەگە سۇزگى ستانساسىن قايتا جاڭعىرتۋ جۇمىستارى اياقتالدى;
- قوستاناي مەن كوكشەتاۋدا سۋ تازارتۋ قۇرىلىستارىن جاڭعىرتۋ جۇمىستارى اياقتالۋدا.
بۇعان دەيىن نۇرجان نۇرجىگىتوۆ استانا ىرگەسىندەگى تالاپكەر جانە قاجىمۇقان اۋىلدارى قاشان تازا اۋىز سۋمەن قامتاماسىز ەتىلەتىنىن ايتقان بولاتىن.
